Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

Parte 6​pa callari shimicuna

Parte 6​pa callari shimicuna

Israelitacuna Canaán alpacunaman chayashpaca tabernáculo nishcapimi Jehovata adorarca. Sacerdotecunaca Leycunatami yachachin carca. Cutin juezcunaca tucuicunatami ñaupan pushan carca. Cai capitulocunapica imata decidishpa o imata rurashpapash, shujcunata ayudaita o llaquichi ushashcatami yachajugrinchi. Israelitacunaca Jehovapa ñaupajpi, gentecunapa ñaupapipash shuj jatun responsabilidadtami charirca. Débora, Noemí, Josué, Ana, Samuel, Jeftepa ushipash paicunapa causaihuan, chai punllacunapi imashina ayudashcata ricuchipangui. Shinallata Rahab, Rut, Jael, gabaonitacuna na israelitacuna cashpapash Taita Dios israelitacunahuan cashcata yachashpa paicunapa lado tucushcatapash yachachipangui.

CAI PARTEPI

Josuetaca Jehová Diosmi agllarca

Jehová Diosca Josueta ayudangapami huaquin mandashcacunata curca. Chai mandashcacunaca ñucanchitapashmi ayudaita ushan.

Rahabmi ishcai jaricunata ayudarca

Jericó llactapa pircacunaca tucuillami urmarca. Shinapash Rahab huarmipa huasi pircacunaca na urmarcachu.

Gabaonitacunatami Josueca ayudarca

Josueca, Jehová Diostami indita shayachipai nishpa mañarca. ¿Jehová Diosca paipa mañashcata uyarcacha?

Barac, Débora, Jaelpash Jehovatami cazurca

Josué huañushca jipaca cutinmi israelitacunaca yanga dioscunata adoranajurca. Shina ruraimanda llaquicunapi cajpipash Barac, Débora Jaelpashmi paicunataca ayudarca.

Rut huarmiguca Noemita na saquircachu

Ishcai viuda huarmigucunami Israel llactaman cutin tigrarca. Shujca Rutmi carca. Rutca pambapi trabajagrishpami Boazta rijsirca.

Gedeonmi madianitacunata misharca

Madianitacuna llaquichinajujpimi israelitacunaca Jehovata mañarca. ¿Imashinata Gedeonga paipa ashalla soldadocunahuan, 135 mil contra soldadocunataca misharca?

Anaca huahuaguta charingapami munarca

Siló llactapi, tabernáculo nishcapi Jehovata adorachunmi Elcaná runaguca Anata, Peninata paipa huahuacunatapash aparca. Chaipimi, Anaca shuj huahuaguta carahuai nishpa Jehovata mañarca. Shuj huata jipaca Samuel huahuagumi nacirirca.

Jefteca ¿imatata Jehovaman cusha nirca?

Jefteca ¿imatata Jehovaman cusha nirca? ¿Imamandata shina nirca? Jeftepa ushi chaita yachaj chayashpaca ¿imashinashi sintirirca?

Jehová Dios parlajtami Samuelca uyarca

Sumo sacerdote Elipa churicunaca tabernáculo nishcapi sacerdotecunami carca. Paicunaca Diospa mandashcacunataca na cazurcachu. Shinapash Samuelca paicuna shinaca na carcachu. Chaimi shuj tutataca Jehová Dios parlajta Samuelca uyarca.

Sansón runataca Jehová Diosmi ayudarca

Diosmi, Sansón runagumanga filisteocunahuan macanajuchun fuerzata curca. Shinapash Sansón nali decisionda agllashcamandami filisteocuna paita japishpa aparca.