Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

 CAPÍTULO 27

Israelitacunaca Diospa contrami tucurca

Israelitacunaca Diospa contrami tucurca

Tiempo yalishca jipa israelitacuna chaquishca pambapi cajpica Coré, Datán, Abiram, 250 israelitacunapashmi Moisespa contra tucushpa cashna ninajurca: “Cangunaca, na ashtahuan ñucanchita mandanachu canguichi. Tucuilla tandanajushca israelcunapash, Diospajlla cachun shicanyachishcacunami. Mandaj Diosca, paicunapaj chaupipimi causajun. Shina cajpica, Mandaj Diospajlla tandanajushca israelcunataca, ¿imashpata cangunalla mandashpa causanajunguichi?” nishpa. Jehová Diosca chaita uyashpa nimamanda nalicachishpami, israelitacuna paipa contra tucujushcata ricurca.

Moisesca Coré runata, paita catijcunatapash cashnami nirca: “Incensariocunata japichi. Chaicunapica, cayapaca ninata churashpa chai jahuapica, Mandaj Diospaj ñaupajpi inciensota churanguichi. Chaipica maijandami Mandaj Dios agllan, chai runami paipajlla cachun shicanyachishca canga” nishpa.

Cayandi punllaca Corepash, paita catij 250 gentecunapashmi tabernáculo nishcapi Moiseshuan tandanajurca. Chaipimi paicunaca sacerdotecuna cuenda inciensota rupachinajurca. Chaita ricushpami Jehová Diosca Moisesta, Aarondaca nirca: ‘Coré runamanda, paita catij runacunamandapash anchurichi’ nishpa.

Coré, Moisespaman rijpica, Datán, Abiram, paicunapa familiapash na ringapaj munarcachu. Jehová Diosca israelitacunataca nircami: “Coré, Datán, Abiram shuti runacuna causanajuj carpa muyundi ladomandaca anchurichi”  nishpa. Chaimi israelitacunaca uchalla anchurirca. Cutin Datán, Abiram, paicunapa familiacunaca ‘Ilujshishpa, paicunapa carpa pungupimi shayanajurca’. Chaipimi na cazujcunataca na yashcapi alpa pascarishpa langarca. Shinallata tabernáculo nishcapica jahua cielomanda ‘nina Ilujshishpami, inciensota cushnichinajuj 250 runacunata, Coretapash rupachishpa tucuchirca’.

Chai jipaca Jehová Diosca Moisestaca nircami: ‘Paicunapuramandaca, paicunapa taitacunapa cada huasi ucu puramanda shuj vara caspita japingui. Chai vara caspicunapica, paicunapa shuticunata escribingui. Levipa miraicunapa varapica, Aaronba shutita escribingui. Chaicunataca, ñucahuan tuparina jatun carpapi churangui. Chaipillatami, ñucata sirvichun maijanda ñuca agllashca runapa vara caspica sisanga’ nishpa.

Cayandi tutamandaca, Moisesca tucuilla vara caspicunatami israelitacunata ñaupaman pushajcunaman ricuchirca. Aaronba varapica sisashpa, almendra muyucunapashmi fucushca carca. Shinami Jehová Diosca sumo sacerdote cachun Aaronda agllashcata ricuchirca.

‘Cangunata cuidajcunata uyashpa, cazunami canguichi’ (Hebreos 13:17).