Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

 CAPÍTULO 3

Adanbash, Evapash Diostaca na cazurcachu

Adanbash, Evapash Diostaca na cazurcachu

Shuj punllaca Eva pailla cajpimi shuj culebra parlashpa cashna tapurca: “¿Taita Dioschu cangunataca: ‘Huertapi tucui yuracunamandaca, na micunachu canguichi’” nirca? Shina tapujpimi huarmica, culebraman cashna nishpa tigrachirca: “Huertapi tiaj yuracunapi fucushcataca, micui ushanchimi. Huerta chaupipi shayajuj yurapi fucushcataca na micunachu canchi”. Chai yuramanda micushpaca huañuitami tarishun nishpa. ‘Shina nijpimi culebraca, huarmitaca cashna nirca: Na huañunguichica’, ‘chai yuramanda micushpaca Taita Dios shinami tucunguichi’ nishpa. ¿Chaica ciertochu carca? Na. Chaica llullami carca. Shinapash Evaca culebratami crirca. Chai yurapi frutata ricujushpallatami micungapaj munarca. Shinami ashata micushpa Adanmanbash chai frutata micuchun curca. Adanga Diosta na cazushpa huañuna cashcataca alimi yacharca. Shina yachashca jahuapash chai frutata micurca.

Chai punllallatami Jehová Diosca Adanda, Evataca imamandata na cazuhuarcanguichi nishpa tapurca. Evaca culebratami juchachirca. Cutin Adanga Evatami juchachirca. Paicuna na cazushcamandami Jehová Diosca Jardín de Edenmanda llujchishpa cacharca. Shinallata Jardín de Edenman yaicunapica ishcai angelcunata, muyundi rupajuj shuj espadatapashmi Adán y Eva ima horapash ama yaicuchun churarca.

Jehová Diosca nircami, Evata llullashpa pandachijtapash cashtigagrinimi nishpa. Evahuanga culebrapachaca na parlajurcachu. Jehová Diosca culebracuna parlachunga na rurarcachu. Shuj nali angelmi Evata umachingapaj munashpa culebrata parlachirca. Chai nali angelca Satanás, Diablomi can. Jehová Dios shamuj punllacunapi Diablota tucuchijpica, nali cosascunata gentecuna rurachunga ñana umachingachu.

Diabloca ‘callarimandapacha huañuchijmi, llullashpalla causajmi. Paipica llullanallami tian’ (Juan 8:44).