Filipos llactapica ‘imatapash yachajlla ayata charij cuitsami causarca. Chai cuitsaca, imatapash yachajlla cashpami paita charijuj amocunataca, ninanda culquichishpa causajurca’. Pablo y Silas Filipos llactaman chayajpica, chai cuitsaca tauca punllacunatami paicuna maiman rijpipash catijurca. Chai cuitsapi aya cajpimi ‘cashna nishpa caparijurca, cai runacunaca jahua pachapi causaj Taita Diosta sirvijcunami’ nishpa. Chaimi Apóstol Pabloca chai ayataca nirca: ‘Candaca, Jesuspa shutipimi, chai cuitsagumanda Ilujshi nini’ nishpa. Chaimi chai ayaca chai cuitsamanda llujshirca.

‘Chai cuitsapa amocunaca, na ashtahuan culquita japinata’ cuenta japishpami ninanda culirarca. Chaimi ‘Pablotapash, Silastapash japishpa, jatun plazapi tiaj mandajcunapaman’ apashpa cashna nirca: Caicunaca, ñucanchita mandashcapi nijushcataca na cazunajunllu. ‘Ñucanchi pueblopi fiñanajuchishpami purinajun’ nishpa. Chaimi chai mandajcunaca Pablota, Silasta ‘ninanda astichishca jipaca, prezuna huasipi churachun cacharca’. Shina mandajpimi carcelta cuidajca ‘paicunataca, na Ilujshi ushanalla ashtahuan ucuman churagrirca. Paicunapa chaquitapash, canichina caspicunahuan canichishpami saquirca’.

Chaipimi Pablopash, Silaspash chaupi tutaca caishuj prezocuna uyajta Jehová Diosta alabangapaj candanajurca. Shina candanajujpimi ‘alpa mama ñapash ninanda chujchushpa, prezuna huasi ucucunandi ninanda cuyuchirca. Shina cuyujpimi pungucunapash, prezu tiajcunata huatashca cadenacunapash, chaquicunata canichishca caspicunapash tucuilla pascarirca’. ‘Prezuna huasita cuidaj rijcharishpa pungucuna pascariajta ricushpaca, prezocunaca Ilujshishcamari yashpami, paillata espadahuan huañuchiringapaj munarca’.

Chai ratomi Pablo cashna caparirca: “Ama canmandallata huañuchirichu. Tucuillami caipi capanchi” nishpa. Chaimi carcelta cuidajca ucuman calpashpa ‘Pablopa, Silaspa ñaupajpi cungurishpa’ cashna tapurca: “Ñuca quishpiringapaca, ¿imatata rurana capani?” nishpa. Chaimi paicunaca nirca: ‘Canbash, canba huasi ucupurandi’ Jesuspi crishpaca quishpiringuichimi nishpa. Chai jipami Pablopash Silaspash Jehovapa Shimimanda paicunaman yachachirca. Shina yachajushpami carcelta cuidajpash, ‘paipa huasipi causajcunapash tucuilla bautizarirca’.

‘Cangunataca japishpa catiriashpami llaquichinajunga. Cangunataca tandanajuna huasicunapimi saquigringa. Shinallata prezuna huasicunapipashmi churanga. Ñucata catinajushcamandami, llactata mandajcunapa, jatun mandajcunapa ñaupaman apai tucunguichi. Chaipimi ñucamanda villanguichi’ (Lucas 21:12, 13).