Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

 CAPÍTULO 85

Jesusca sábado punllapimi jambirca

Jesusca sábado punllapimi jambirca

Fariseocunaca Jesusta na ricunayachishpami imamandapash juchachishpa prezo churangapaj munanajurca. Paicunaca ninajurcami, samana punlla sabadotaca Jesusca na jambinachu can nishpa. Shuj sábado punllaca shuj ñausa jari ñanbi culquita mañashpa tiajujtami Jesusca ricurca. Chaimi Jesusca paipa catijcunataca nirca: Taita Diosmi paipa ushaitaca cai runagupi ricuchinga nishpa. Shina nishca jipami “Jesusca, tucahuan alpata turuyachirca”. ‘Chai turuta ñausa runapa ñavipi javishpami’, Siloam ‘tanquepi maillarigri nishpa cacharca’. Chaimi ‘ñavita maillangapaj rishpaca ricushpa tigramurca’.

Chaipi caj gentecunaca ninanda manllarishpami cashna ninajurca: ‘¿Nachu cai runaguca, culquita mañashpa tiajun carca?’ “Paishnallamari ninajurcami”. Chaimi chai jarica cashna tigrachirca: Ari, ñucami nacirishca horasmandapacha ñausa carcani nishpa. Chaita ricushpami gentecunaca cashna tapunajurca: “¿Imashnata cambaj ñavica pascarirca?” nishpa. Chaimi ima pasashcata tucuita paicunaman parlajurca. Chaimandami chai jaritaca fariseocunahuan parlachun pushanajurca.

Chai jarica fariseocunamanga cashnami nirca: ‘Jesusmi turuta rurashpa, ñuca ñavipi javishpa, Siloam ‘nishca tanquepi maillarigri’ nishpa cachahuarca’. “Chaiman rishpa ñavita maillashpaca, ñapash ricurcanillami” nishpa. Chaita uyashpami fariseocunaca cashna ninajurca: Chai runa samana punllapi chashna alichishpaca napacha Taita Diosmanda shamushcachu canga nishpa. Cutin shujcunaca ninajurcami, chai runa Taita Diosmanda na shamushca cashpaca imapash ungüihuan gentecunata jambitaca na ushanmanllu carca nishpa.

 Chai fariseocunaca ‘chai ali tucushca runapaj taitamamata cayashpami cashna tapunajurca: ¿Caichu cangunapaj churi? ¿Imashpata cunanga ña ricujun?’ nishpa. Fariseocunaca nishcarcami, maijanbash Jesuspi feta charijpica tandanajuna huasimanda llujchishpa cachanami can nishpa. Chaita manllashpami chai jaripa taitamamacunaca cashna nirca: ‘Na yachapanchica, paitallata tapupaichilla’ nishpa. Fariseocunaca chai jaritaca ashtahuanmi tapunajurca. Chaimi chai jarica nirca: “Villanataca, ña villanimi”. Imashpata chashna tapuhuanajunguichilla nishpa. Shina nijpimi fariseocunaca ninanda culirashpa chai jaritaca llujchishpa cacharca.

Chai jipami Jesusca chai jarita ricungapaj rishpa tapurca: ¿Mesiaspi cringuichu? nishpa. Shina nijpimi: Pipacha cajta yachashpaca paipi crimanmi nishpa. Chaimi Jesusca nirca: Ñucami Mesías cani nishpa. Jesusca ¿imashinata chai ñausa jarita juyashcataca ricuchirca? Jesusca chai jaritaca jambirca, paipi feta charichunbashmi ayudarca.

‘Cangunaca, Diospa Shimita, pai ushaita charijtapash na yachashpami chashna pandashpa causanguichi’ (Mateo 22:29).