Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

 CAPÍTULO 80

Jesusca paipa 12 apostolcunatami agllarca

Jesusca paipa 12 apostolcunatami agllarca

Jesús ña casi huata chaupita villachijushpami, shuj importante decisionda agllana carca. Jesusca, paita catijcunata ñaupaman pushachun, paita ayudachunga ¿picunatata agllagrijurca? Chai decisionda nara agllashpallatami, “Jesusca Diosta mañangapaj urcuman rirca. Chai urcupimi, Taita Diosta mañashpa pacarirca”. Cayandi punllaca, ‘pai agllangapaj munashca runacunatalla cayashpami chunga ishcaicunata agllarca’. ¿Paicunapa shutita yachanguichu? Paicunaca Pedro, Andrés, Santiago, Juan, Felipe, Bartolomé, Tomás, Mateo, Alfeo runapa churi Santiago, Tadeo, Simón, Judas Iscariote shuticunami carca.

Andrés, Pedro, Felipe, Santiago

Jesusca paipa 12 apostolcunandimi villachingapaj rin carca. Paicunataca imashina villachinatami yachachishpandi rijurca. Jipamanga paicunalla villachichunmi cacharca. Shinallata Jehová Diosca paicunataca huañujujcunata jambichun, ayacunata llujchichunmi ushaita curca.

Juan, Mateo, Bartolomé, Tomás

Jesusca 12 apostolcuna paipa alipacha amigocuna cajpimi paicunapi confiarca. Cutin fariseocunaca apostolcunataca imatapash na yachajushca yanga runacunata shinami ricun carca. Shinapash Jesusca na shina pensanllu carca. Jesusmi paicunataca alipacha villachichun yachachishca carca. Paipa  catijcunaca siempremi Jesuspa ladopi cagrinajurca. Jesús nara huañujpi, huañushpa causarishca jipapashmi Jesushuan cagrinajurcara. Paicunapuramandaca casi tucuicunami Galilea llactamanda carca. Jesuspashmi chai llactamanda carca. Huaquingunaca cazadomi carca.

Alfeopa churi Santiago, Judas Iscariote, Tadeo, Simón

Apostolcunaca juchayucuna caimandami pandarinlla carca. Huaquinbica yangata imatapash ninllami carca. Shinallata imatapash yangatami decidin carca. Huaquinbica jaicata culiranllami carca. Paicunamanda pi ashtahuan importante cashcamandapashmi culirarinajurca. Shinapash Jehová Diosta juyaj ali jaricunami carca. Jesús ñana cai Alpapi cajpica, paicunami Jesusta catij congregacionda ñaupaman catichun ricuna carca.

‘Ñuca Taita ñucaman imata villashcatapash tucuitami cangunaman ña villarcani. Shina cashpami cangunaca, ñuca juyashca cumbacuna canguichi’ (Juan 15:15).