Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

 CAPÍTULO 58

Jerusalén llactaca llaquichi tucurcami

Jerusalén llactaca llaquichi tucurcami

Judá llactamanda gentecunaca Jehovata cutin cutin na cazushpami yanga dioscunata adoranajurca. Chai huatacunapica Jehová Diosca tauca profetacunata cachashpami paicunata ayudangapaj munarca. Shinapash gentecunaca na cazushpami profetacunata asishpa ricun carca. Jehová Diosca yanga dioscunata adoranataca tucuchingapami munajurca. ¿Imashinashi tucuchigrijurca?

Babiloniamanda rey Nabucodonosorca shuj shuj llactacunatami mishajurca. Punda viaje Jerusalén llactata llaquichishpaca rey Joaquinda, paipa cati mandajcunata, macanajuita ali yachajcunata, imacunatapash rurashpa trabajajcunatapashmi Babilonia llactaman aparca. Shinallata Jehová Diospa templo huasimanda valishca cosascunatapashmi aparca. Chai jipaca Nabucodonosorca Judá llactata mandachunga Sedequiastami churarca.

Callaripica rey Sedequiasca, Nabucodonosortaca tucuipimi cazurca. Shinapash yanga profetacuna, Jerusalén llacta ladollacunapi causaj gentecunapash Sedequiastaca, Babilonia llactata mandajtaca na cazunachu cangui ninajurcami. Shina nijpimi Jeremiasca cashna nirca: Babilonia llactata na cazujpica “gentecunaca espadahuan, yarjaihuan, jatun ungüihuanmi huañunga” nishpa.

Ocho huatacuna jipaca rey Sedequiasca, Babiloniapa contrami shayarirca. Chaipaca Egipto llactamanda soldadocunatami ayudata mañarca. Chaimi Nabucodonosorca paipa soldadocunata Jerusalén llactata llaquichichun cacharca. Babilonia llactamanda soldadocunaca Jerusalenda chaupipi churashpami carpa huasicunata shayachirca. Jeremiasca cashnami Sedequiastaca nirca: ‘Babilonia llactata jatun mandajpaman canllata ucha rishpa japi tucushpaca causanguimi. Cai pueblopash, na rupachi tucungachu’. Na shina rurajpica cai llactata rupachishpami, candapash preso apanga nishpa. Shina nijpica Sedequiasca cashnami nirca: Ñucallata japi tucungapaca na rishachu nishpa.

 Shuj huata chaupi jipaca Babiloniamanda soldadocunami Jerusalén llactapa jatun pircacunata ashata utujurca. Chaita yaicushpami Jerusalén llactataca rupachirca. Shinallata Diospa templo huasita rupachirca, ashtaca gentecunata huañuchirca, ashtacacunataca preso aparca.

Sedequiasca Jerusalén llactamanda pacajushpa llujshircami. Shinapash Babiloniamanda soldadocuna Sedequiasta catishpa Jericó llacta ladopi japishpami rey Nabucodonosorpaman aparca. Chai jipaca ‘Babilonia llactata jatun mandajca, Sedequías runapaj churicunataca, pai ricujujpillatami cungata fitichirca’. Jipamanga ‘Sedequiastaca ishcandi ñavita llujchishpami’ preso churarca. Chaipimi Sedequiasca huañurca. Shinapash Jehová Diosca Judá llactamanda gentecunataca cashnami nirca: ‘Canchis chunga huata pactajpica, cangunataca’ Jerusalén llactaman tigrachimushami nishpa.

Babilonia llactaman apashca jovengunahuanga ¿imata pasagrijurca? ¿Jehovata tucuipichu cazushpa catigrinajurca?

‘Tucui Ushaita charij Taita Dioslla, canga na llullaj, imatapash cashcatapacha rurajmi’ cangui (Apocalipsis 16:7).