Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Bibliapica ¿imatata yachajuni?

 CAPÍTULO 2

Punda jarita, punda huarmitaca Diosmi rurarca

Punda jarita, punda huarmitaca Diosmi rurarca

Jehová Diosca Edén nishca pushtupimi shuj juyailla jardín de Edén nishcata rurarca. Chaipica sisacuna, jatun yuracuna, animalcunapashmi tiarca. Chai jipaca punda jari Adanda ñutu alpamanda rurashpami, Taita Diosca singapi fucurca. Chai jipaca ¿imata pasarca? Adanga causai callarirca. Jehová Diosca, Adandaca jardín de Edenda cuidachun, tucui animalcunata shutita churachunmi mingarca.

Jehová Diosca Adandaca cashnami mandarca: ‘Tucui yuracunapi fucushcataca micui ushanguimi. Shinapash shuj yuramandallami na micuna cangui. Ima punlla cashpapash, chai yuramanda micushpaca huañunguipachami’ nishpa.

Jipamanga nircami: ‘Paita ayudashpa causachun, shuj cumbata Adanman rurasha’ nishpa. Chaimandami ‘Taita Diosca ninan puñuita Adanman cachamushpami, shuj costillasta llujchishpa huarmita rurarca’. Chai huarmitaca Eva shutitami churarca. Shinami Adán y Evaca familia causaita callarichirca. ¿Imashinata Adanga sintirirca? Evata ricushpaca  cushijushpami cashna nirca: “Paica ñuca tullumanda rurashca ñuca tullullatami”. Cunangarinbash paica ñucashnallatami can nishpa.

Chai jipaca Jehová Diosca Adanda, Evataca huahuacunata charishpa cai alpata jundachinguichi nircami. Cai alpa shuj juyailla Paraíso tucuchun imata rurashpapash, paicuna cushilla rurachunmi munarca. Tucui alpami jardín de Edén shina tucuna carca. Shinapash chaica na pactarircachu. ¿Imamandata na pactarirca? Chaitaca shamuj capitulopimi ashtahuan yachajupashun.

‘Diosca cai pachata churashpami jaritapash, huarmitapash rurarca’ (Mateo 19:4).