Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

¿Picunata Jehová Diospa munaita ruranajun?

 LECCIÓN 20

Cuerpo Gobernanteca ¿imatata rurajun?

Cuerpo Gobernanteca ¿imatata rurajun?

Siglo 1​pi Diospa llactata pushajcuna

Diospa llactata pushajcunapa cartata liinajun

Apostolcunapa punllacunapi o siglo 1​pica, Diospa llactata pushajcunapurapica ‘apostolcunapash Jerusalenmanda ancianocunapashmi’ carca (Hechos 15:2, NM). Paicunaca Diospa Shimipi ima nijta ricushpa, espíritu santo ayudachun saquishpami minishtirishca decisiongunata agllan carca (Hechos 15:25). Cunan tiempopi Cuerpo Gobernantepash shinallatami ruran.

Diosmi paipa munaita rurachun utilizan. Cuerpo Gobernantepi caj ungido huauquicunaca Bibliamanda tucui shunguhuan yachajungapami munan. Shinallata Diospa munaita pactachingapaj ashtaca experienciatami charin. Paicunaca cada semanami tandanajun mundo enteropi huauquicunata imashina ayudanata ricungapaj. Apostolcunapa punllacunapi cuendami Cuerpo Gobernanteca congregaciongunata Bibliamanda yachachingapaca cartacunata cachan, superintendentecunata o shuj huauquicunatapash utilizan. Shinami Diosta sirvijcunataca ayudan gulpicuna chai yuyaitallata charichun, chaitallata rurachunbash (Hechos 16:4, 5). Ashtahuanbash Diosmanda yachachingapaj publicaciongunata llujchin, Diospa Reinomanda villachun animan, Jehovapa organizacionbi ñaupajman pushajcunatapash agllan.

Diospa espíritu santopa ayudatami mascan. Cuerpo Gobernantepi caj huauquicunaca Jehovapa ayudatapash, congregacionda uma shina mandaj Jesuspa ayudatapashmi mascan (1 Corintios 11:3; Efesios 5:23). Chai huauquicunaca Diospa llactata paicuna mandajushcashnaca na yuyanllu. Caishuj ungido huauquicunashnallatami Jesús ‘maita rijpipash paita catishpa purinajun’ (Apocalipsis 14:4). Cuerpo Gobernantepi huauquicunaca paicunamanda Diosta mañajpica ninandami cushijun.

  • Apostolcunapa punllacunapica ¿picunata Diospa llactata pushanajurca?

  • Cuerpo Gobernanteca ¿pipa ayudatata mascan?