Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 LECCIÓN 26

Tandanajui Huasi limpio cachunga ¿imatata rurana capanchi?

Tandanajui Huasi limpio cachunga ¿imatata rurana capanchi?

Estonia

Zimbabue

Mongolia

Puerto Rico

Testigo de Jehovacunapa Tandanajui Huasica Jehová Diosta adorangapami can. Chaimandami limpio, ali arreglashcata charina capanchi. Tandanajui Huasita limpiashpaca Taita Diostami adoranajupanchi. Shinaca tucuicuna limpiashpa ayudapashunchi.

Tandanajui jipa limpiapashunchi. Tandanajui Huasitaca cada tandajui jipami limpiashpa saquina capanchi. Cutin semanapi shuj viajetaca ali ali limpiangapami ayudana capanchi. Shuj anciano o shuj siervo ministerialmi ricuriana can imatalla fichanata, trapianata, bañocunata maillanata, sillacunata, ventanacunata, espejocunata limpianata, tucuita arreglashpa saquinatapash. Ashtahuanbash huatapi shuj viajetallapash Tandanajui Huasita alipacha limpiangapami arreglota rurana can. Huahuacunamanbash limpiachun yachachijpica Tandanajui Huasita respetanatami yachajunga (Eclesiastés 5:1).

Imapash huaglishcata arreglangapaj ayudapashunchi. Cada huatami Tandanajui Huasi ucutapash canllatapash ali ricuna can. Imatapash arreglana cajpica, na huaglingacaman shuyashpa uchalla arreglana can. Shinami jipamanga culqui na yapa gastaringa (2 Crónicas 24:13; 34:10). Tandanajui Huasi limpio, ali cajpica Jehová Diosta ali adorangapami ayudan. Shinaca limpiangapaj, arreglangapaj ayudashpaca Tandanahui Huasita respetashcata, Jehová Diosta juyashcatami ricuchipanchi (Salmo 122:1). Tandanajui Huasi limpio cajpica shuj gentecunapash alicachishpami ricunga (2 Corintios 6:3).

  • Tandanajui Huasitaca ¿imamandata limpio charina capanchi?

  • Tandanajui Huasita limpio charingapaca ¿imatallata rurana capanchi?