Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

¿Picunata Jehová Diospa munaita ruranajun?

 LECCIÓN 18

Ñucanchi huauquicuna llaquipi cajpica ¿imashinata ayudapanchi?

Ñucanchi huauquicuna llaquipi cajpica ¿imashinata ayudapanchi?

República Dominicana

Japón

Haití

Ninan llaqui tiajpica testigo de Jehovacunaca uchashpami huauquicunata ayudangapaj munanchi. Shinami tucui shunguhuan juyarishcata ricuchinchi (Juan 13:34, 35; 1 Juan 3:17, 18). ¿Imashinata ayudapanchi?

Culquihuanmi ayudapanchi. Judea llactapi ninan yarjai tiajpimi Antioquía llactamanda huauquicunaca culquita cachashpa ayudarca (Hechos 11:27-30). Cunan tiempopipash shuj llactacunapi ninan llaquicuna tiashcamanda ñucanchi huauquicunata ayudangapaj culqui minishtirijujta uyashpami, congregacionbi contribuciongunata churashpa ayudapanchi (2 Corintios 8:13-15).

Ninan llaqui tiashca llactaman rishpami ayudapanchi. Ninan llaqui tiashca llactapi ancianocunaca congregacionmanda tucuicunata mascashpami ali cachun ricurian. Comité de socorropi ayudaj huauquicunami gulpi huauquicuna micunata, yacuta, ropata, jambicunata, maipi pacarinatapash charichun ricurian. Urmashca huasicunatapash Tandanajui Huasicunatapash cutin shayachishpa ayudangapami, tauca huauquicunaca paicunallata culquita gastashpa rin. Testigocunaca gulpicuna juyaita ricuchishcamanda, imacunapipash ayudarishpa trabajanata yachaimandami ninan llaqui tiajta uyashpaca uchashpa ayudagrinchi. Huauquicunata ayudashpapash, ushashpaca shuj gentecuna maijan religionta charijpipash paicunatapashmi ayudapanchi (Gálatas 6:10).

Bibliamanda parlashpami cushilla sintirichun ayudapanchi. Ninan llaqui tiashca llactapi causajcunaca cushichichunmi minishtin. Chai llaquicunapi cajpimi ‘tucuipi cushichij Taita Diosca’ paicunata ayudan (2 Corintios 1:3, 4). Chaimandami llaquilla cajcunamanga Bibliapa ali villaicunata parlapanchi. Shinallata Diospa Reinoca ñallami ninan llaquicunata tucuchinga nishpami cushichipanchi (Apocalipsis 21:4).

  • Ninan llaquicuna tiajpica ¿imamandata uchashpa ayudai ushapanchi?

  • Ninan llaqui tiashca llactacunapica ¿imashinata cushichinchi?