‘Cai libropi mandashcata liinataca, ima horapash na saquinachu cangui. Ashtahuangarin chai mandashcataca punllapash, tutapash yarijunallami cangui. Chai escribishcacunapi mandashcashnallata, tucuita cazushpa pactachingapami, chashna rurana cangui. Chashna pactachishpami, canba causaipipash aliguta causangui. Tucui imatalla can rurashcapash, alimi llujshinga.’

(Josué 1:8)

‘Taita Dios mandashcata escribishca librotaca, aliguta intindinallata liijujpimi, tucuicuna yuyaita japishpa aliguta intindinajurca.’

(Nehemías 8:8)

“Nali runacuna yuyaita cushcata na catijca, ninandami cushijun [...]. Ashtahuangarin Mandaj Dios mandashcata pactachishpami cushijun. Tutapash, punllapash chai mandashcataca aliguta yariajunllami [...]. Tucui imata rurajpipash, ali llujshingallami.”

(Salmo 1:1-3)

‘Chaiman rishpaca, Dios ima nishcata villaj Isaías escribishcata liijujta uyashpami: “¿Can liijushca imata nijujtapash yachai ushanguichu?” nishpa [Etiopía llactamanda runataca] tapurca. Shina nijpimi chai runaca cashna nirca: “Pipash na yachachijpica ¿imashnata yachashayari?”.’

(Hechos 8:30, 31)

 “Jahua pachaca, Taita Dios punchapamba cajtami villajun. Chaipi imalla tiajcunapash, paipaj maquihuan rurashcatami villajun.”

(Salmo 19:1)

“Tucui can rurashcacunatami, aligutapacha yarijusha. Can rurashcacunataca villajushallami.”

(Salmo 77:12)

“Caishujhuan, chaishujhuan ashtahuan juyarishpa, imata cashpapash alita ruranacunata yarichirishunchi. Tandanajunataca, na saquinachu canchi.”

(Hebreos 10:24, 25)

“Canguna purapi ali yachaita maijambash na charishpaca, Taita Diostami mañana canguichi. Paica carangapachami. Pimambash na mitsashpa, ashtacata caramunga.”

(Santiago 1:5)