TAPUI 1
Taita Diosca ¿pita can?
‘Canba shuti [Jehová] * cajta, jahua pachapi causajuj can Dioslla, tucui cai pachata mandajujta yachachun.’
“Paimi ñucanchitaca rurarca. Ñucanchica, na ñucanchimandallata rurarishcachu canchi.”
‘Ñucaca Mandaj Diosmi cani. Ñuca ninanda alicachi tucunataca, pimanbash na cushachu. Labrashpa rurashca dioscunata ñucapa randi alicachinajuchunbash na saquishachu.’
‘Maijan cashpapash [Jehovapa] shutipi mañashpaca quishpiringami.’
“Huasicunaca, pipash huasichijpillami tian. Ashtahuangarin tucui caicunata rurashpa churajca Taita Diosmi.”
“Cai tucuita pi rurashcataca, cangunapaj ñavihuan vichai alsarishpa ricuichi. Paimi, tucui ima tiashcatapash cuentashpa llujchin. Paimi, tucuita shutipi cayan. Pai cayajpica, shujllapash na illangachu. Paica, chashna tucuita rurai ushaj, tucuita mandai ushajmi.”
^ par. 1 Ashtaca Bibliacunapica Taita Diospa shuti Jehovata churanapa randica “Mandaj Dios”, “Jatun Dios” nishpami churashca. Shinapash Bibliata escribishca shimicunapi ricujpica Taita Diospa shutica 7 mil viaje yalimi tiajun. Chaimandami caipica Jehová shutitaca maipi tiajuna cashcapi churashcanchi.
