Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 JESUSPA CHAQUITA CATISHPA CAUSASHUNCHI

Villachijujpi shuj huahua llujshimujpica ¿imatata rurashun?

Villachijujpi shuj huahua llujshimujpica ¿imatata rurashun?

Punguta huactachijpi shuj huahua llujshijpica, taitamamacunata respetaimandami tapuna canchi, taitamamacuna caipichu can nishpa (Prov. 6:20). Huahuacuna ucuman yaicumupailla nijpica na yaicunallachu canchi. Taitamamacuna ñucanchihuan na parlai ushana cajpica shuj punllami tigrana canchi.

Solteroyajuj huambragu cajpipash taitamamacunamandami tapuna canchi. Taitamamacuna na llujshi ushana cajpica tapushunchi, taitamamacunaca imagutapash liichun saquinllachu nishpa. Ari nijpica ¿nachu cai publicacionda liingapaj munanguiman nishpami shuj publicacionda saquinallami can, jw.org direccionmandapash parlanalla can.

Yachangapaj munajuj huambraguta cutin visitangapaj tigrashpaca, quiquinba taitamamacunata rijsingapami munanchi ninallami canchi. Shinami taitamamacunamanga imamandata cutin visitajushcata parlai ushashun, Bibliapi consejocuna familiacunata imashina ayudajtapash parlai ushashun (Sal. 119:86, 138). Respetota taitamamacunaman ricuchijpimi paicunapash Jehová Diosta alicachinga. Shuj punllapash tucuilla familiaman ali villaicunata parlai ushashunmi (1 Ped. 2:12).