Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Tandanajuipi Yachajungapaj Hoja  |  Octubre de 2017

 JESUSPA CHAQUITA CATISHPA CAUSASHUNCHI

Jehová Diosta alabashpami causana canchi

Jehová Diosta alabashpami causana canchi

Causaitaca Jehová Diosmi cararca. Ñucanchi ruraicunahuanmi Jehová Dios carashca causaita alicachishcata o na alicachishcata ricuchinchi. Testigo de Jehovacunaca tucuicunami ñucanchi ruraicunahuan Jehová Diosta alabangapaj esforzarinchi (Sal. 36:9; Apoc. 4:11). Shinapash huaquinbica problemacunamandami Jehová Diosta ashtahuan sirvina munaitaca huashaman saquinchiman (Mar. 4:18, 19). Chaimandami tapurina capanchi: “¿Jehová Diosta sirvingapachu tucui shunguhuan esforzarijuni? (Os. 14:2). ¿Ñucapa trabajo, ñucapa estudiocunaca Jehová Diosman ashtahuan quimirichun ayudahuanllu? ¿Jehová Diosta imashina sirvina munaitata charini? Jehová Diosta ashtahuan sirvingapaca ¿imatata rurai ushani?” nishpa. Jehová Diosta ashtahuan sirvingapaj munashpaca, ayudahuai nishpa mañapai. Shinallata, imapi cambiana minishtirijpipash cambiapai. Cada punlla Jehová Diosta alabashpaca, ashtahuan cushillami sintiringui (Sal. 61:8).

Imata ali rurai ushashpapash ¿imatata pundapi churajupangui?

IMATA ALIPACHA RURAI USHASHPAPASH JEHOVÁ DIOSTARAMI SIRVINA CANGUI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

  • Imata alipacha rurai ushashpapash ¿imamandata cai mundota pundapi churanaca nali canman? (1 Juan 2:17).

  • Jehová Diosta sirvingapaj tucui shunguhuan esforzarijcunaca ¿ima bendiciongunatata charin?

  • Quiquinba alipacha rurashcacunahuanga ¿imapita Jehová Diosta ashtahuan sirvingapaj munapanguiman?