“Nalita rurajcuna ruranajujtaca, na munashpa ricunachu cangui”

37:1, 2

  • Nalicuna alishnalla causanajujta ricujunapa randica Jehovata sirvinapi, Jehovata ashtahuan sirvingapaj imata ruranacunapi, Jehovapa bendiciongunata chasquinapimi ashtahuan ocupado cana cangui.

“Mandaj Diosta yariashpa, alita rurajuilla”

37:3

  • Imata ruranata na yachashpa o yapata preocuparishca cashpaca Jehová cuidanataca yaria cangui. Paica paita tucui shunguhuan cazushpa catichunmi ayudanga.

  • Diospa Reinomanda ali villaicunata villachinapi ocupado cai.

“Mandaj Dioshuanlla cushijui”

37:4

  • Jehovata ashtahuan ali rijsina munaihuanmi Bibliata liingapapash, liishcapi pensaringapapash tiempota llujchina cangui.

“Canba causaitaca, Mandaj Diosman mingai”

37:5, 6

  • Llaquicunapi cajpi Jehová ayudanataca seguromi cana cangui.

  • Shujcuna llullashpa juchachijpi, jarcaicuna tiajpi o catiriashpa llaquichijpipash alita rurashpami catina cangui.

“Mandaj Diospa ñaupajpica, upalla cailla. Paitaca shuyajunguilla”

37:7-9

  • Na ñaupashpa imatapash ruranachu cangui. Shina rurajcunaca cushijuitapash, Jehovapa ñaupajpi ali ricurinatapashmi chingachin.

“Na jariyajcunami llactataca [“Alpataca”, NM] japinga”

37:10, 11

  • Na jariyashpa tranquilo cangapami esforzarina cangui. Shinallata, shujcuna yangamanda llaquichijpica Jehová Dios ayudanataca na jariyashpami confiana cangui.

  • Paraíso Alpata Jehová Dios ñalla caramunata parlashpami llaquilla cajcunatapash animashpa huauquipanicunataca ayudana cangui.

Jehová Diosca Jesusta mandachun churashpami ashtaca bendiciongunata caranga