Agllashca temata ricungapaj

Temacunata ricungapaj

 BIBLIAPA VALISHCA YUYAICUNA | MATEO 18, 19

Ñucanchipash ama nitijaringapaj, shujcunatapash ama nitijachingapaj esforzaripashunchi

Ñucanchipash ama nitijaringapaj, shujcunatapash ama nitijachingapaj esforzaripashunchi

Imacunamandapash ñucanchillata nitijarina, shujcunata nitijachina nali cashcata intindichingapami Jesusca chimbapuraicunata utilizarca.

18:6, 7

  • ‘Pandachijcuna’ o nitijachijcuna nishpaca nali ruraicunapi, juchapi urmachij imapash ruraicunatami shina nin.

  • Pitapash nitijachinapa randica, jatun rumita cungapi huatarishpa mama cuchaman shitarinami ashtahuan ali can.

Molino jatun rumicuna

18:8, 9

  • Jesusca paipa catijcunataca nircami, ñavi o maqui pandachijpica uchallami muchushpa shitana canguichi nishpa.

  • Cuerpo entero Gehenaman shitai tucunapa randica maqui illaj, chaqui illaj Diospa Reinoman yaicunami ashtahuan ali can. Gehenaman shitai tucuna nishpaca para siempre tucuchi tucuna cashcatami nijun.

¿Imata ñucanchipaca nitijachij rumishna caita ushan? Ñucanchipash ama nitijaringapaj, shujcunatapash ama nitijachingapaca ¿imatata rurana capanchi?