Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Tandanajuipi Yachajungapaj Hoja  |  Enero de 2016

 JESUSPA CHAQUITA CATISHPA CAUSASHUNCHI

Tandanajui Huasicunata rurashpa, cuidashpa ayudanaca shuj jatun cushijuimi can

Tandanajui Huasicunata rurashpa, cuidashpa ayudanaca shuj jatun cushijuimi can

Israel llactapi Jehovapa templota rurangapaca ashtaca trabajo, culquimi minishtirirca. Shinapash israelitacunaca cushijushpami tucuipi ayudarca (1 Crón. 29:2-9; 2 Crón. 6:7, 8). Jehovapa templota tucuchishca jipapash chai huasita cuidanapi ayudashpa o na ayudashpami israelitacunaca Taita Diospa ñaupajpi ali cashcata o nali cashcata ricuchi usharca (2 Rey. 22:3-6; 2 Crón. 28:24; 29:3). Cunanbi Jesusta catijcunapash Tandanajui Huasicunata, Jatun Tandanajui Huasicunata rurangapaj, limpiangapaj, cuidangapaj ashtacata esforzarishpami Jehovataca ali adoran. ¿Nachu Jehovata chashna ayudanaca shuj jatun cushijui can? (Sal. 127:1; Apoc. 7:15.)

¿IMASHINATA AYUDASHUN?

  • Cada tandanajui jipaca tucuitami aliguta arreglashpa saquina canchi. Na ayudai ushashpaca ñucanchi tiarishca pushtutallapash siempremi aliguta, limpio saquina canchi.

  • Tandanajui Huasi ama huaglichun, limpio cachun arreglocunataca apoyanami canchi. Ashtacacuna ayudajpica cushijushpami ashtahuan ñapash tucuchishun (jl lección 26 párr. 2).

  • Contribuciondapash churanami canchi. Tucui shunguhuan cujpica, ishcai uchilla culquigulla cajpipash Jehová Diosca cushijushpami chasquin (Mar. 12:41-44).

  • Ushashpaca Jehovata adorangapaj huasicunata rurangapaj, arreglangapaj ayudanallami canchi. Ayudangapaca huasichinata yachanaca na minishtirinllu.