Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Tandanajuipi Yachajungapaj Hoja  |  Diciembre de 2017

 JESUSPA CHAQUITA CATISHPA CAUSASHUNCHI

Ashtahuan aliguta villachishunchi: Quiquinba territoriopi tucuilla gentecunaman villachipangui

Ashtahuan aliguta villachishunchi: Quiquinba territoriopi tucuilla gentecunaman villachipangui

¿IMAMANDATA MINISHTIRISHCA CAN? Profeta Zacariasca nircami: Diosmanda ali villaicunataca ‘shuj llactacunamanda shuj shuj rimaita rimaj’ tucuilla gentecunami ali chasquinga nishpa (Zac 8:23). Shinapash paicunamanga ¿picunata villachina carca? (Ro 10:13-15). Ñucanchi territoriopi tucuilla gentecunaman Diospa ali villaigucunata villachina responsabilidadtami charipanchi (od-S pág. 84 párrs. 10, 11).

¿IMASHINATA CHAITACA PACTACHI USHAPANCHI?:

  • Ali prepararishpa. ¿Shuj shimita parlaj gentecunahuan tuparipashcanguichu? Chai gentecunaman jahualla villachi ushangapaca JW Language nishca aplicacionda utilizapangui. Shinallata celularta, tabletta utilizashpami Internetpi jw.org paginapi, paicunapa parlaj shimipi imashina ashtahuan informacionda mascanata ricuchi ushapangui.

  • Ali ali ricushpa. Huasin huasin villachijushpapash ñanda yalinajujcunaman, busta shuyanajujcunamanbash villachinallami capangui. Shinallata predicación publicapi cashpapash tucuicunaman villachingapami esforzarina capangui.

  • Ali yuyashpa. Na huasipi cajcunata cutin visitangapaj esforzaripangui. Shinallata huasipi na tupashpaca chai punllallata o shuj punlla tigrashpa paicunahuan parlangapami esforzarina capangui. Chaipaca shuj cartata escribishpa, celularpi cayashpa, na cashpaca ñanbi tuparishpa paicunahuan parlanallami capangui.

  • Cutin cutin tigrashpa. Bibliamanda yachajuna munaita charishpa catichunmi uchalla visitana capanchi. Shuj shimita parlaj cajpica, chai shimita parlaj huauqui o pani visitachun arreglocunata rurapangui. Chai shimita parlaj publicadorcuna visitangacamanga quiquinllatami visitashpa catina capangui (od-S págs. 93, 94 párrs 39, 40).

‘CAI PACHA TUCURI MANÑACAMANMI’ VILLACHINCHI NISHCA VIDEOTA RICUCHIPANGUI. CHAI JIPACA CAI TAPUICUNATA RURAPANGUI:

  • Nara villachingapaj chayashca territoriocunapi villachingapaca ¿imashinata huauquipanicunaca prepararirca? (1Co 9:22, 23).

  • ¿Ima jarcaicunatata mishana tucurca?

  • ¿Ima bendiciongunatata chasquirca?

  • Quiquinba territoriopi gentecunaman ashtahuan villachingapaca ¿imatata rurai ushapangui?