Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 JESUSPA CHAQUITA CATISHPA CAUSASHUNCHI

Diospa Reinomanda canticocunaca shinlli tucuchunmi ayudan

Diospa Reinomanda canticocunaca shinlli tucuchunmi ayudan

Apóstol Pablo, Silasca prezo cashpapashmi Jehová Diosta alabashpa candarca (Hech. 16:25). Alemania llactata Hitler mandajuj punllacunapi, Sachsenhausen nishca campo de concentracionbi prezo cashca huauquipanicunapash, Siberia llactaman apai tucushca huauquipanicunapash Diospa Reinomanda canticocunatami candarca. Imashinami ricupanchi, llaquicunapi cashpaca, canticocunata candashpami huauquipanicunaca ashtacata animarin.

Cantemos con gozo a Jehová nishca mushuj canticoca ñallami ashtaca shimicunapi tianga. Cunanbi maijan canticota charishpapash chai canticopa letracunata de memoria yachajungapami Familiahuan Adorana Tutapi repasaita ushapanchi (Efes. 5:19). Shinami llaquicunapi cajpica, canticocunapa letracunata yarichun Diospa espíritu santoca ayudanga. Canticocunami ñucanchitaca shamuj punllacunapi ali causai tianata shuyachun, llaquicunapi cashpapash shinlli tucuchun ayudan. Na llaquicunapi cajpipash, canticocunapi juyailla letracunami ‘cushijuihuan candachun’ ayudan (1 Crón. 15:16; Sal. 33:1-3). Chaimandami, Diospa Reinomanda canticocunataca aliguta aprovechana capanchi.

SHUJ CANTICOMI PREZO CAJCUNATACA ANIMARCA NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

  • ¿Imamandata Frost shuti huauquica shuj canticopa letrata escribirca?

  • ¿Imashinata Frost shuti huauqui escribishca canticoca Sachsenhausen nishca campo de concentracionbi prezo cashca huauquipanicunata animarca?

  • ¿Ima ratocunapita canticocunata candanaca quiquinda ayudaita ushanman?

  • ¿Maijan canticocunatata de memoria yachajungapaj munapanguiman?