Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 JESUSPA CHAQUITA CATISHPA CAUSASHUNCHI

Tandanajuicunaman, villachinaman na rinajuj huauquipanicunata animapashunchi

Tandanajuicunaman, villachinaman na rinajuj huauquipanicunata animapashunchi

Tandanajuicunaman, villachinaman rinata saquishca ashtaca huauquipanicunami tucui huatacuna, Jesús Huañushcata Yarina tandanajuiman rin. Paicunaca alimi Jehová Diosta sirvi callarirca. Shinapash imashinami Jehová desea que vuelva nishca folletopi ricupanchi, shuj shuj yuyaicunamandami caruyashca (Heb. 12:1). Paicunatapashmi Jehová Diosca Jesuspa yahuarta cushpa randishca. Chaimandami chai huauquipanicunapash Jehová Diospa ñaupajpica valishcapacha can (Hech. 20:28; 1 Ped. 1:18, 19). ¿Imashinata paicunataca congregacionman tigrachun ayudaita ushapanchi?

Ancianocunaca chai huauquipanicunataca chingashca llamaguta shuj michij runa mascanshnami ayudangapaj munan (Luc. 15:4-7). Shinami Jehová Dios paicunatapash llaquijta cuenta japinchi (Jer. 23:3, 4). Tandanajuicunaman, villachinaman rinata saquishca huauquipanicunata ancianocuna animana cajpipash, tucuicunallatami paicunataca animaita ushapanchi. Paicunata llaquishpa ayudangapaj munashpa imagutapash rurajpica, Jehová Diosca cushijungami. Ñucanchi esfuerzoca na yangapi quedangachu (Prov. 19:17; Hech. 20:35). Shinaca, pita animanata pensarishpa uchalla ayudapai.

TANDANAJUICUNAMAN, VILLACHINAMAN NA RINAJUJ HUAUQUIPANICUNATA ANIMAPASHUNCHI NISHCA VIDEOTA RICUSHCA JIPACA, CAI TAPUICUNATA CONTESTAPAI:

  • Tandanajuiman, villachinaman na rijuj paniguta rijsishpaca ¿imatata Abbey shuti paniguca rurarca?

  • Tandanajuiman, villachinaman na rijuj huauquita o panita ayudangapaj munajushpaca ¿imamandata ancianocunahuan parlana capanchi?

  • Laura paniguta cutin visitangapaj rigrijushpaca ¿imashinata Abbey paniguca prepararirca?

  • Laura paniguta ayudangapaj munashpaca ¿imashinata Abbey paniguca pacienciata, juyaita charishcata ricuchirca?

  • Lucas 15:8-10 chimbapuraica ¿imatata ñucanchimanga yachachin?

  • Laura paniguta ayudangapaj tucuicunallata esforzarishcamandaca ¿imata pasarca?