Agllashca temata ricungapaj

¿Bibliapi parlashca profeciacunaca Jesús Mesías cashcatachu ricuchin?

¿Bibliapi parlashca profeciacunaca Jesús Mesías cashcatachu ricuchin?

Bibliapica caitami yachachin

Ari. Cai alpapi cajpimi ‘Mesiasmanda’ parlaj ashtaca profeciacunaca Jesuspi pactarirca. Jesusmi “cai pachapi causajcunata Quishpichij” tucugrijurca (Daniel 9:25, TNM ; 1 Juan 4:14). Jesús huañushca jipapashmi Mesiasmanda parlaj profeciacunaca Jesuspi pactarishpa catirca (Salmo 110:1; Hechos 2:34-36).

 Mesías shimica ¿imatata ningapa munan?

Hebreomanda Maschíaj (Mesías) shimi shinallata griegomanda Kjristós (Cristo) shimicunaca “Ungido” nisha ninmi. Shinaca Jesucristo shimica Jesús “Ungido” o “Mesías” cashcatami ricuchin.

Pundacunapica pimanbash autoridadta cungapaca shuj personata agllashpami paipa umapi aceiteta talina carca (Levítico 8:12; 1 Samuel 16:13). Taita Diosca Jesustami Mesías cachun agllarca. Chaica ninan autoridadta charina cashcatami ricuchin (Hechos 2:36). Jesusta agllashpa umapi aceiteta churanapa randica Taita Diosca paipa espíritu santohuanmi Jesustaca agllarca (Mateo 3:16).

 Mesiasmanda parlaj profeciacunaca ¿mashna gentecunapita pactarita ushan?

Mesiasmanda parlaj profeciacunaca shujlla personapimi pactarirca. Bibliapi profeciacunaca shujlla Mesías o shujlla Cristo tiashcatami ricuchin. Shinapash Bibliapica ninmi: “Chai punllacunapica ‘Cristomi cani’ nishpa llullajcunapash, Diosmanda llullashpa villajcunapashmi tianga. Chaicunaca, pipash na rurai ushanallacunata, jatun manllarinacunatami ricuchinajunga. Chashna rurashpami, paicuna ushashpaca, Dios agllashcacunatapash umachinajunga” ninmi (Mateo 24:24).

 ¿Jipa punllacunapica Mesiasca tucuicunaman ricurimungacha?

Na. Bibliapica Mesiasca rey Davidpa miraimanda shamuna cashcatami nirca (Salmo 89:3, 4). Shinapash cunanbica rey Davidpa miraicuna maijangunalla cashcata ricuchijuj registroca ñana tianllu. Chai registrocunaca romanocuna Jerusalén llactata huata 70​pi atacajpimi tucuchi tucushcanga. * Chai punllamandaca pipash rey Davidpa miraimanda cashcataca na ricuchi ushashcachu. Pero Jesuspa tiempopica chai registrocunaca tiashcangarami. Chaimi ni Jesuspa contracuna Jesús rey Davidpa miraimanda cashcataca na negai usharca (Mateo 22:41-46).

 Mesiasmanda parlaj ¿mashna profeciacunata Bibliapica tian?

Mesiasmanda parlaj mashna profeciacunapacha tiashcataca na ni ushapanchichu. Huaquinbica Mesiasmanda parlajuj textocunapipachapash mashna profeciacuna cashcataca na tucuicuna igual contanllu. Por ejemplo Isaías 53:2​manda 7​camanga, Mesiastaca huaquin cosascuna pasana cashcatami villan. Huaquingunaca cai textocunapica shujlla profeciamandami parlan ninmi. Shinapash shujcunaca cai textocunapica huaquin profeciacunamandami parlan ninmi.

 Jesuspi pactarishca huaquin profeciacunata ricupai

Pactarina

Profecía

Pactarishca

Abrahanba miraimandami cana carca

Génesis 22:17, 18

Mateo 1:1

Abrahanba churi Isaacpa miraimandami cana carca

Génesis 17:19

Mateo 1:2

Judapa familiamandami nacirina carca

Génesis 49:10

Mateo 1:1, 3

Rey Davidpa familiamandami cana carca

Isaías 9:7

Mateo 1:1

Jari nara tacarishca huarmimandami nacirirca

Isaías 7:14

Mateo 1:18, 22, 23

Belén llactapimi nacirirca

Miqueas 5:2

Mateo 2:1, 5, 6

Emanuel * nishpami shutichinga

Isaías 7:14

Mateo 1:21-23

Na tucuita charishpa viñarcachu

Isaías 53:2

Lucas 2:7

Jesús nacirishca jipaca ashtaca huahuacunami huañuchi tucurca

Jeremías 31:15

Mateo 2:16-18

Egiptomandami cayai tucurca

Oseas 11:1

Mateo 2:13-15

Nazareno * ni tucushcami canga

Isaías 11:1

Mateo 2:23

Paimanda villajca ñaupamurcami

Malaquías 3:1

Mateo 11:7-10

Mesías cachunmi huata 29​pi * agllai tucuna carca

Daniel 9:25

Mateo 3:13-17

Taita Diosca paipa churi cashcatami nin

Salmo 2:7

Hechos 13:33, 34

Diospa huasita juyashcatami ricuchin

Salmo 69:9

Juan 2:13-17

Ali villaicunatami villachin

Isaías 61:1

Lucas 4:16-21

Micha punllayachinshnami Galilea llactapica villachirca

Isaías 9:1, 2

Mateo 4:13-16

Moisesnallatami milagrocunata rurarca

Deuteronomio 18:15

Hechos 2:22

Moisesnallatami Diospa shutipi villachirca

Deuteronomio 18:18, 19

Juan 12:49

Ungüihuan caj ashtaca gentecunatami jambirca

Isaías 53:4

Mateo 8:16, 17

Paitalla alicachishpa ricuchunga na munarcachu

Isaías 42:2

Mateo 12:17, 19

Sufrinajuj gentecunata llaquishcatami ricuchirca

Isaías 42:3

Mateo 12:9-20; Marcos 6:34

Taita Diosca justo Dios cashcatami ricuchirca

Isaías 42:1, 4

Mateo 12:17-20

Manllarinayai, ali Yuyaita Cuj

Isaías 9:6, 7

Juan 6:68

Jehová shutitaca tucuicunamanmi rijsichirca

Salmo 22:22

Juan 17:6

Chimbapuraicunata churashpami yachachirca

Salmo 78:2

Mateo 13:34, 35

Shujlla Mandaj

Daniel 9:25

Mateo 23:10

Ashtacacunami paipica na crirca

Isaías 53:1

Juan 12:37, 38

Nitijana rumishna cagrijurca

Isaías 8:14, 15

Mateo 21:42-44

Gentecunaca nalicachishpami ricurca

Salmo 118:22, 23

Hechos 4:10, 11

Gentecunaca yangamandami paitaca millanayachishpa ricurca

Salmo 69:4

Juan 15:24, 25

Shuj burropi tiarishpa Jerusalenman yaicujpica gentecunaca ninandami alicachirca

Zacarías 9:9

Mateo 21:4-9

Uchilla huahuacunapashmi paitaca ninanda alicachin

Salmo 8:2

Mateo 21:15, 16

Jehovapa shutipimi shamurca

Salmo 118:26

Juan 12:12, 13

Paipa amigollatami traicionarca

Salmo 41:9

Juan 13:18

30 moneda culquipami prezo japichirca *

Zacarías 11:12, 13

Mateo 26:14-16; 27:3-10

Paipa amigocunaca paitalla saquishpami rirca

Zacarías 13:7

Mateo 26:31, 56

Llullashpa villajcunami paitaca juchachirca

Salmo 35:11

Mateo 26:59-61

Juchachinajujpipash imatapash na nircachu

Isaías 53:7

Mateo 27:12-14

Tujashpami saquirca

Isaías 50:6

Mateo 26:67; 27:27, 30

Umapimi huajtarca

Miqueas 5:1

Marcos 15:19

Asti tucurca

Isaías 50:6

Juan 19:1

Huajtajujpipash na difindirircachu

Isaías 50:6

Juan 18:22, 23

Mandajcunaca paita llaquichingapami parlarirca

Salmo 2:2

Lucas 23:10-12

Maquitapash, chaquitapash racu caspipimi clavarca

Salmo 22:16

Mateo 27:35; Juan 20:25

Paipa churajunatami suerteta rurarca

Salmo 22:18

Juan 19:23, 24

Juchayushnallatami huañuchi tucurca

Isaías 53:12

Mateo 27:38

Asishpa, nali shimicunahuanmi paitaca rimarca

Salmo 22:7, 8

Mateo 27:39-43

Ñucanchi juchacunamandami llaquichi tucurca

Isaías 53:5, 6

1 Pedro 2:23-25

Taita Dios paita jichushpa saquishcashnami carca

Salmo 22:1

Marcos 15:34

Vinagreta jayaj hielhuan chapushcatami ufiachirca

Salmo 69:21

Mateo 27:34

Ña huañugrijushpami yacunayachirca

Salmo 22:15

Juan 19:28, 29

Taita Diosmanmi paipa espiritutaca mingarca

Salmo 31:5

Lucas 23:46

Paipa causaita curca

Isaías 53:12

Marcos 15:37

Juchacunamanda salvangapa paipa causaita curca

Isaías 53:12

Mateo 20:28

Paipa tullucunamandaca ni shujpash na faquirircachu

Salmo 34:20

Juan 19:31-33, 36

Costillapi tujsishpami chugrichin

Zacarías 12:10

Juan 19:33-35, 37

Charijcunahuanmi pambai tucurca

Isaías 53:9

Mateo 27:57-60

Causachi tucurca

Salmo 16:10

Hechos 2:29-31

Shujtami apóstol cachun agllan

Salmo 109:8

Hechos 1:15-20

Taita Diospa ali ladopimi tiajun

Salmo 110:1

Hechos 2:34-36

^ párr. 5 Cyclopedia de McClintock y Strong libropica ninmi: “Judiocunapa familiacunamanda registrocunataca Jerusalenda atacajpi tucuchi tucushcataca casi seguromi canchi. Chai nara pasajpica registrocunaca tiashcangarami”.

^ párr. 40 Hebreo shimipi Emanuel nishpaca “Taita Diosca ñucanchihuanmi” nijunmi. Cai shimicunaca Jesús Mesías cashcatami ricuchin. Jesusca paipa ruraicunahuanmi, Taita Diosca paita sirvijcunahuanlla cajta ricuchirca (Lucas 2:27-32; 7:12-16).

^ párr. 52 Nazareno shimica hebreo shimimandami shamun. Hebreopica nétser nijunmi, chaica “retoño” nisha ninmi.

^ párr. 58 Mesías huata 29​pi ricurina cashcata Bibliapi imashina ricuchijujta yachangapa munashpaca “El profeta Daniel predice la llegada del Mesías” nishca informacionda ricupangui.

^ párr. 127 Cai profeciamandaca Zacarías libropimi villajun. Shinapash Mateoca cai profeciamandaca “profeta Jeremiasmanmi villamurca” ninmi (Mateo 27:9). Jeremías librotaca “Profetacuna” nishca librocunapurapimi churan cashca yarinmi (Lucas 24:44). Chaimandami Mateoca chai librocunamanda parlashpaca “Jeremías” librota utilizashcanga. “Profetacuna” nishca librocunapurapica Zacarías libropashmi can.