Kichay leenaykipaq

Haykuy iskaykaq menú nisqaman

Índice nisqaman riy

Jehová Diospa testigonkuna

quechua (Cusco)

¡Rijch’ariy!  |  No. 4 2016

 QALLARIYPI KAQ

Allin costumbreyoq kanaykipaq consejokuna

Allin costumbreyoq kanaykipaq consejokuna
  • DESPERTADORNIN suenaqtinmi Austin puñuy-puñuy jatarispa usqhaylla ejercicio ruwanan p’achawan churakun, chaytan ch’isinraq listota saqeran. Chaymantataq phawaq lloqsin imaynachus semanapi watantin kinsa kutita ruwasharan jinata.

  • Laurieqa qosanwan discutisqanku qhepatan phiñasqa kaspa cocinaman jaykun juj paquete chocolateta mijunanpaq, payqa chaytapunin sapa renegaspa ruwan.

¿Imapin Austinwan Lauriewan kaqlla kanku? Reparakunkuña manaña chaypas, iskayninkutan juj fuerza tanqan, chayqa juj ruwayman costumbrasqa kasqankun.

Qanri, ¿munawaqchu juj allin costumbreyoq kayta? Yaqapaschá munawaq astawan puñuyta, ejercicio ruwayta, familiaykikunawan rimayta ima.

Otaq munashanki mana allin costumbreta otaq viciota saqeyta, chaykunan kanman: fumay, mana alimentoyoq mijuykuna, nishu tiempo internetllapi kay ima.

Imaynan q’oñi camamanta mana faciltachu lloqsiyta munanchis, chhaynatan mana allin costumbrekunatapas mana faciltachu saqeyta atinchis.

Chhaynaqa, ¿imaynatan costumbreykikunata controlawaq chhaynapi yanapanasuykipaq? Kinsa consejokunata qhawarisun, chaykunan Bibliapi yachachikuykunaman jina kashan.