Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

¿Imatan Dios ruwanqa?

¿Imatan Dios ruwanqa?

Juj allin amigoqa tukuypin yanapawanchis. Chaymi wakin runakunaqa piensanku “Diosqa manan amigonchischu, manan imatapas noqanchispaqqa ruwanchu” nispa. Ichaqa imaymanatañan noqanchispaqqa ruwan, chaymi pisi tiempollamanta tukuchinqa lliu problemanchiskunata, sufrimientopas manaña kanqachu. ¿Imatan Dios ruwanqa?

MILLAY KAUSAYTAN TUKUCHINQA

Diosqa Satanaspa lliu kay pachapi ruwasqantan tukuchinqa. Biblian nin: “Lliu kay pachan ichaqa Satanaspa makinpi kashan”, nispa (1 Juan 5:19). Jesuspa nisqanman jinaqa paymi “kay pacha kamachiqpas” (Juan 12:31). Satanás kamachisqanraykun lliupas problemakunayoq kanchis. ¿Imatan Dios ruwanqa?

Diosmi pisi tiempollamanta churinta utilizanqa “wañuchinanpaq atiyniyoq Saqrata ch’usaqyachinanpaq” (Hebreos 2:14; 1 Juan 3:8). Saqraqa yachanmi ch’usaqyachisqa kananpaq ‘tiempon pisillaña kasqanta’ chaytan Bibliapiqa nin (Revelación 12:12). Millay runakunatapas Diosqa chinkachipunqan (Salmos 37:9; Proverbios 2:22).

KAY ALLPATAN PARAISOMAN TUKUCHINQA

Kamaqninchisqa munayninta junt’ananpaqmi millay kausayta ch’usaqyachinqa, jinaspa kay allpapi runakunaman wiñay kausayta qonqa. ¿Imaynan kausay kanqa?

Wiñaypaqmi thaj kasunchis, allin waqaychasqan kasunchispas. “Llamp’u sonqokunan ichaqa kay allpata chaskinqaku, sumaq thaj-nisqataq tiyakunqaku” (Salmos 37:11).

Askhanpin mijuna kanqa. “Suyupi askhallaña trigo kachun, orqo patakunapi askhallaña aytikuchun” (Salmos 72:16).

Sumaq wasiyoq, allin llank’anayoq. “Wasitan wasichanqaku, jinaspan chaykunapi tiyanqaku, uvastan plantanqaku, chaypa rurusqantan mijunqaku. [...] Ajllakusqaykunaqa llank’asqankuq rurusqantan kusisqa mijunqaku” (Isaías 65:21, 22).

¿Munawaqchu chay bendicionkuna chaskiyta? Pisi tiempollamantan junt’akunqa.

ONQOYTAPAS WAÑUYTAPAS TUKUCHIPUNQAN

Kunanqa lliumi onqonchis wañunchis, ichaqa Jehová Diosmi pisi tiempollamanta Jesuspa wañusqanrayku chinkachipunqa. Biblian nin: “[Jesuspi] iñiqqa ama wañunanpaq aswanpas wiñay kausayniyoq kananpaq”, nispa (Juan 3:16). ¿Imaynan kanqa kausay Jesuspi iñiqtinchis?

Manañan onqoypas kanqachu. “Sionpi tiyaqkunaqa manan mayqellanpas: ‘Onqosqan kani’, ninqachu, Diosmi chaypi tiyaqkunaq juchanta pampachanqa” (Isaías 33:24).

Manañan wañuypas kanqachu. “Wiñaypaqmi wañuytapas chinkachinqa, llapaq ñawinmantan waqaytapas ch’akichinqa” (Isaías 25:8).

Wiñaypaqmi kausasunchis. “Diospa qokuyninmi ichaqa wiñay kausay, chay qokuyqa Señorninchis Cristo Jesusraykun” (Romanos 6:23).

Wañusqakunapas kausarimpunqakun. ‘Allin runakunatapas mana allin runakunatapas wañusqa kasqankumantan kausarichimpunqa’ (Hechos 24:15). Wañupuqkunapas beneficiakunqakun Jesuspa wañusqanmanta.

¿Imaynatan Dios chaykunata ruwanqa?

 DIOSQA GOBIERNONTAN CHURANQA

Jesusmi chay gobiernopi kamachimunqa, chhaynapin Diosqa prometesqanta junt’anqa (Salmos 110:1, 2). Chay gobiernomantan Jesusqa qatikuqninkunata yachachiran mañakunankupaq, niranmi: “Yayayku janaq pachapi kaq, [...] gobiernoyki jamuchun”, nispa (Mateo 6:9, 10).

Diospa gobiernonmi kay allpata kamachimunqa, jinaspa tukuy nanayta, sufrimientota ima tukuchinqa. Chay gobierno jinaqa manan jayk’aqpas karanchu. Chayraykun Jesusqa kay allpapi kashaspa kallpachakuran ‘allin willakuykuna pachantinpi willasqa kananpaq’, qatikuqninkunatapas chayta ruwanankupaqmi kamachiran (Mateo 4:23; 24:14).

Jehová Diosqa munakuwaspanchismi junt’anqa tukuy promesankunata. ¿Manachu chay animawanchis payta astawanraq reqsinanchispaq, amigonpas kananchispaq? ¿Imakunapin beneficiakuwaq? Astawanraq yachasun qatimuq temapi.

¿IMATAN DIOS RUWANQA? Diosqa onqoyta wañuyta iman tukuchinqa, Diospa gobiernollanpin llapa runapas kasunchis, allpanchistan paraisoman tukuchinqa.