Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

Yaqa llapa jatun religionkunan creenku mana wañuq almayoq kanankupaq

 QALLARIYPI KAQ | ¿WAÑUNANPAQCHU DIOS RUNATA KAMARAN?

¿Wañupuqkuna maypipas kausashankuchu?

¿Wañupuqkuna maypipas kausashankuchu?

RUNAKUNAQA imaymanatan creenku kausaymanta wañuymantapas. Wakinqa piensankun wañupuspa juj ladopi kausanankupaq. Wakintaq creenku juj cuerpoman jaykuspa jujmanta kausanankupaq. Wakintaq wañuywan vidanku tukupunanpaq.

Yaqapaschá qanqa creenki maypi wiñasqaykiman jina. Ichaqa imaymana rimaytaq kan chay temamanta chayqa, ¿atisunmanchu yachayta wañupusqanchis qhepata kanmanraqchus kausay chayta?

Pachaj-pachaj watakunañan religioso umallikuna yachachinku mana wañuq almamanta. Yaqa llapa religionkunan (cristianismo, hinduismo, islam, judaísmo) ninku: “Mana wañuq almayoqmi kanchis, chaymi wañupusqanchis qhepataqa espiritukunaq kasqan lugarman ripun”, nispa. Budistakunataq creenku wañupusqanku qhepaman juj cuerpoman jaykuspa juj cuerpomanñataq reencarnakunankupaq. Chhaynapi tukuy sufrimientomanta librakuspa sumaq kausayman aypanankupaq; chay kausaytan sutichanku “nirvana” nispa.

Chay yachachikuykunan runakunata creechin wañupuspaqa juj mundoman ripunankuta. Chaymi askha runakuna piensanku wañupuspa juj vidamanñataq cambianankupaq, chaytaq Diospa munaynin kananpaq. Ichaqa, ¿ima ninmi Biblia? Animaykikun qatimuq temata leenaykipaq. Yaqapaschá admirakunki Bibliaq nisqanwan.