Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 FAMILIAKUNAPAQ YANAPAYKUNA | CASARASQAKUNAPAQ

Manapas entiendenakuwaqchischu jina kaqtin

Manapas entiendenakuwaqchischu jina kaqtin

¿IMAPIN WAKIN TARIKUNKU?

Pujllaypaschá gustasunki parejaykimantaq leey. Horarioyoq kaypaschá gustasunki parejaykimantaq ichaqa mana. Runakunawan kaytapaschá munanki, parejaykitaq sapallaykichis kayta munan.

Ninkipaschá: “¡Manan entiendenakuykuchu! ¿Imaynapitaq mana repararanichu reqsinakushaspayri?”, nispa.

Cuentataqa qokurankichischá. Ichaqa novio kashaspaqa manan qankunallapichu piensarankichis, chaytan ruwashallawaqchis casado kaspapas. Kay yachachikuypin yanapaykuna kashan. Ichaqa ñaupaqta yachasun imaraykun manapas entiendenakuwaqchischu jinata kausashankichis chaymanta.

KAYTAN YACHANAYKICHIS

Importante kaqkunapi mana entiendenakuspa. Novio kaqkunaqa qhawarinankun imakunapis entiendenakunku chayta. Wakinqa importante kaqkunapin mana kaqllatachu piensanku, manan munankuchu casarakuspa discutiylla-discutiyta chaymi novio kasqankuta tukupunku. Ichaqa, mayninpiqa mana nishu importante kaqkunapin mana entiendenakunkuchu, chayqa kanpunin casado kausaypiqa. ¿Imaynatan chayta qhawarinanchis?

Manan igualchu kanchis. Chayraykun parejakunaqa mana kaqllatachu kaykunapi piensanku:

Gustonkupi. Ana * nin: “Qosayqa wawa kasqanmantapachan puriq kasqa rit’i orqokunata montekunatapas, noqamanmi ichaqa chaykunaqa manapuni gustawaqchu”, nispa.

Costumbrenku. Bruno nin: “Esposayqa tardetaña puñuspapas 5 de la mañanataqa sayarishanñan, manataqmi sayk’usqachu sientekunpas, noqan ichaqa mana junt’asqata puñuspayqa phiñasqa jina kani”, nispa.

Imayna runa kasqanku. Yaqapaschá qanqa mana nishutachu rimanki, parejaykitaq ichaqa rimaqllaña. David nin: “Noqaqa wawa kasqaymantapachan problemaytaqa mana jujkunaman willanichu, esposaypa familianmi ichaqa willanakunku”, nispa.

 Mana kaqllata piensayqa allinmi kanman. Helena nin: “Imaynata ruwayta munasqayqa allinmi kanman, ichaqa juj jinamantapas ruwakunmanmi”, nispa.

KAYTAN RUWAWAQ

Allin compañeron kanayki. Adam willakun imatas esposanpiwan ruwanku chayta, ninmi: “Karen esposaymanqa manan gustanchu deporteqa. Ichaqa askha kutitan compañawaran equipoytapas animaranmi. Noqapas kaqllatataqmi ruwani, paymanqa gustan museokunaman riymi, chaypin jayk’a munasqanta quedakun qhawananpaq. Noqapas tukuy yuyayniytan churani chaypi kaqkunata qhawanaypaq esposayman gustasqanrayku”, nispa (Bibliaq yachachiynin: 1 Corintios 10:24).

Juj niraymanta ruwayta yachay. Ama parejayki juj nirayta piensasqanraykuqa niychu “pantashanmi” nispaqa. Alex nin: “Noqaqa niqmi kani ‘kayqa kay jinallamantan ruwayta atikunman juj niraymanta ruwayqa tiempo pierdeychá kanman’ nispa. Ichaqa casarakuspaymi yacharani mana juj nirayllamantachu imapas ruwakusqanta”, nispa (Bibliaq yachachikuynin: 1 Pedro 5:5).

Manan lliupichu tupachinkichis. Sumaqllata kausanapaqqa manan igualchu kananchis. Chayrayku ama niychu “pantarunichus casarakuspayqa” nispaqa sichus wakinpi mana tupachinkichischu chayqa. Juj libron nin: “Askhan ninku ‘ñausachu karani casarakunaypaq’ nispa (The Case Against Divorce). Ichaqa sapa p’unchay kusisqa kausasqaykichismi rikuchin munanakuy atisqaykichista, manaña wakinpi tupachinkichischu chaypas”, nispa. Biblian nin: “Qankunapura paciencianakuychis, pipas jujpa contranpi imatapas riman chayqa”, nispa (Colosenses 3:13).

Kaytan ruwawaq. Qelqay kaykunata: Iman parejaykimanta gustasunki, imaraykun munakunki, imapin tupachinkichis. Chaymantataq qelqay imapi mana tupachisqaykichista. Yaqapaschá reparanki mana nishu importante kaqkunallapi mana tupachisqaykichista. Chaywanmi yachallankitaq imapi pacienciayoq kanaykita imapi parejaykita yanapanaykitapas. Enrique nin: “Esposayqa esforzakunmi noqa jina kananpaq noqapas kaqllatataqmi ruwani, payta kusisqata rikuspaymi kusisqa kani”, nispa (Bibliaq yachachikuynin: Filipenses 4:5).

^ párr. 10 Wakin sutikunaqa cambiasqan kashan.