Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 QALLARIYPI KAQ | ¿IMAN KANMAN ASWAN ALLIN REGALO?

“Aswan allin regalo qowasqanku”

“Aswan allin regalo qowasqanku”

Chaytan niran 13 watachayoq sipascha, paymanmi juj alqochata regalasqaku. Juj empresaria warmipas niranmi adolescente kashaqtin papanmanta juj computadorata chaskikusqan vidanta cambiasqanta. Juj runataq niran primer aniversarionpi esposan juj tarjetata makinwan ruwaspa qosqan ancha allin regalo kasqanta.

Sapa watanmi askha runakuna tiempota jap’ispa amigonkupaq otaq familiankupaq ancha allin regalota maskhanku. Yaqa llapankun munankuman ñaupaqpi regalo chaskikuqkuna jina, regalo qosqankuta chaskikunankuta. ¿Munawaqchu chhayna regalo qoyta otaq chaskiytapas?

Regalo qoyqa maytapunin kusichinman regalo chaskikuq runata jinallataq qoqtapas. Diospa palabranmi nin: “Qoypin aswan kusikuyqa kan, manan chaskiypichu”, nispa (Hechos 20:35). Maypachachus regalo chaskikuq runa anchata agradecekun chayqa, aswanraqmi kusikuyqa kan.

¿Imakunatan ruwasunman regalota qospa kusikunapaq, chaskikuqpas kusikunanpaq? Yaqapaschá mana atisunmanchu aswan allin regalo qoyta. Ichaqa, ¿imatan ruwasunman regalo chaskikuq runa qosqanchista anchata valorananpaq?