Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 14 YACHACHIKUY

Huk gobiernon kay pachata kamachimunqa

Huk gobiernon kay pachata kamachimunqa

Pisi tiempollamantan kay pachataqa huk gobierno kamachimunqa. ¿Yachankichu chay gobierno piqpa kasqanta?... Chayqa Diospa gobiernonmi, chay gobiernon kay pachata paraisoman tukuchinqa. ¿Munawaqchu chay gobiernomanta astawan yachayta?...

Huk reyqa llaqtanpi kaq runakunatan kamachin. Diospa gobiernonpipas kanmi huk rey. ¿Yachankichu pin kasqanta?... Chay reyqa Jesucriston. Payqa hanaq pachapin tiyan. Pisillamantan kay pachapi llapa runakunata kamachimunqa. ¿Kusisqachu kawsasun kay pachata Jesús kamachimuqtin?...

¿Imatan ruwayta munawaq paraisopi?

Arí, ¡kusisqan kawsasun! Paraisopiqa manan kanqañachu guerrakuna, llapallankun munanakunqaku. Manan pipas onqonqachu nitaq wañunqapaschu. Ñawsakunapas qhawarinqakun, roqt’okunapas uyarinqakun, mana puriyta atiqkunapas phawayta saltayta iman atinqaku. Llapa runakunapaqmi askha mikhuna kanqa. Animalkunapas manan salqañachu kanqaku, chaymi llapa animalkunawan pukllayta atisun. Wañupuqkunapas kawsarimpunqakun. Rebeca,  Rahab, Elías, Davidpas kawsarimpunqakun. ¿Munawaqchu paykunawan tupayta?...

Jehová Diosqa munakusunkin, munantaqmi kusisqa kawsanaykitapas. Sichus payta kasukushallanki chayqa, wiñaypaqmi huk munay paraisopi tiyanki. ¿Munankichu paraisopi kayta?...

BIBLIAYKIPI LEEY