‘Diosmi ñawinkumanta tukuy weqeta pichanqa, manan wañuypas, llakikuypas, waqaypas, nanaypas kanqañachu’, nispa (Apocalipsis 21:3, 4, Diospa Simin Qelqa).

Diosqa manan huchayoqchu ñak’ariykuna kasqanmanta (Santiago 1:13)

Jehová Diosqa yachanmi ñak’ariypi tarikusqanchista (Zacarías 2:8)

Ñak’ariykuna tukukunanpin suyakusun (Salmo 37:9-11)

Arí, ¿imarayku?

• Ñak’ariytapas mana chanintapas Dios cheqnikusqanrayku. Jehová Diosqa imaynataraqchá sientekurqan ñawpa tiempopi llaqtanta ñak’arichisqankuta rikuspa. Biblian willan, Diosqa ‘waqaqkunata ñak’ariqkunata khuyapayasqanmanta’ (Jueces 2:18).

  Diosqa manan allinpaqchu qhawarin runamasinku ñak’arichiqta. Bibliaq nisqan hina Diosqa cheqnikunmi ‘mana huchayoq runakunata wañuchiqta’ (Proverbios 6:16, 17).

• Sapankanchispi Dios interesakusqanrayku. Manan runakunallachu sasachakuypi llakikuypi tarikusqanchista yachanchis. Diospas yachallantaqmi chhaynapi tarikusqanchista (2 Crónicas 6:29, 30).

  Pisi tiempomantan Jehová Dios Gobiernonwan tukuchinqa ñak’ariykunata (Mateo 6:9, 10). Chay tiempo chayamunankamaqa Diosqa munakuywanmi sonqochashan pay maskhaqkunata (Hechos 17:27; 2 Corintios 1:3, 4).