Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 32 CAPÍTULO

Jehová Diosmi Jesusta cuidaran

Jehová Diosmi Jesusta cuidaran

JEHOVÁ DIOSQA rikumushanmi peligropi tarikuq wawakunata. Chaymi paykunarayku admirana kaqkunata ruwan. Wakin animalkunapas wawankuta cuidanankuraykun imaymanata ruwanku. Yaqapaschá campota rispa chayta rikunki.

Campota paseaq rishaqtiykis juj animal ladoykipi sayarun. K’irisqapas kashanman jina juj rafranta arrastraspa purikachan. Achhuykuqtiykin ayqerin, qhepanta riqtiykitaq qonqaylla altoman phawarin. Manan k’irisqachu kasharan. Chhaynaqa, ¿imaraykutaq k’irisqa jina purisharan?...

Chay animalpa wawankunan chay cercapi kasharan. Chaymi wawankunata mana k’irinaykipaq ayqerinaykita munaran. Jinan k’irisqaman tukuspa juj ladoman aparasunki. ¿Pin chay animalcha jina qantapas cuidasunkiman?... Arí, Jehová Diosmi. Biblian Diosta rijch’anachin wawankunata cuidaq ankawan (Deuteronomio 32:11, 12).

¿Imaynatan kay animal wawankunata cuidan?

 Jehová Diosqa Jesustan astawanqa munakun. Janaq pachapi kashaspan Jesusqa atiyniyoq ángel karan, chaymi mana necesitaranchu pipas cuidananta. Kay allpapi nacespan ichaqa wawalla karan, chaymi necesitaran jujpa cuidananta.

Jesusqa wiñananraqmi karan Diospa kamachisqanta junt’ananpaq. Chaytan Satanasqa mana munaranchu. Chaymi payqa askha kutipi Jesús wawata wañuchiyta munaran, ichaqa Diosmi cuidaran. ¡Chay willakuyqa ancha munaymi! ¿Yachayta munawaqchu?...

Jesuspa nacesqan qhepallamanmi Satanás cielopi juj k’anchayta rijurichiran. Chay k’anchayqa ch’aska jinan karan. Chay k’anchaytan ch’askata qhawaqkuna rikuranku, chaymi chay k’anchay maymanchus risqanman riranku. Karuta purispan Jerusalén llaqtaman chayaranku. Chaypin runakunata tapukuranku: “¿Maypin kashan judío runakunaq reynin kananpaq naceq wawa?”, nispa. Jinan Bibliamanta yachaq runakuna niranku: “Belén llaqtapin”, nispa (Mateo 2:1-6).

Kay runakunaq visitasqan qhepaman, ¿imaynatan Jehová Dios Jesusta salvaran?

 Herodes reymi chay ch’aska qhawaq runakunaq nisqanta uyariran. Juj rey nacenanta yachaspan envidioso churakuran. Chaymi ch’aska qhawaqkunata niran: ‘Riychis, jinaspa maskhamuychis chay erqechata, tarimuspaykichistaq kutimuspa willawankichis’, nispa. ¿Imaraykun Jesuspa maypi kasqanta yachayta munaran?... ¡Wañuchinanpaqmi!

¿Imaynatan Jehová Dios wawanta pakaykuran?... Chay ch’aska qhawaq runakunan Jesusta tariruspa regalokunata qoranku. Ichaqa Herodesman kutinanku kashaqtinmi, mosqoyninkupi Dios niran juj ladonta ripunankupaq. Chaymi juj ñanninta ripuranku. Chayta yacharuspan Herodesqa sinchita phiñakuran. Chaymi soldadokunata kamachiran Belén llaqtapi iskay watayoqmanta urayman llapa qhari wawakunata wañuchinankupaq. Chaytaqa kamachiran Jesusta wañuchinanraykun. Jesusmi ichaqa manaña Belén llaqtapichu kasharan.

¿Imaynapin Jesús salvakuran?... Ch’aska qhawaqkuna ripuqtinku jinan, Jehová Dios Joseta mosqoyninpi niran Egipto llaqtaman wawata apananpaq. Chaypiqa manan Herodesqa wawata wañuchiyta atinmanchu. Chay qhepamanmi Josewan Mariawan Israelman kutipuranku. Ichaqa Diosmi juj mosqoypi Joseta niran Nazaret llaqtaman ripunankupaq, ¿imarayku? Jesús wawata mana pipas wañuchinanpaq (Mateo 2:7-23).

¿Imaynatan Jesusta yapamanta salvaranku?

 Chaypi yachasqanchis jina, ¿imaynatan Jehová Dios wawanta cuidaran?... ¿Pikunan kanku Jesús wawa jina otaq animalpa wawankuna jina? Qan jina erqechakunan ¿riki?... ¿Pikunan qantapas dañota ruwayta munashasunkiku?...

Satanás supaykuna ima. Satanasqa león jinan mijuyta munawashanchis. Leonkunaqa juch’uy animalkunatan astawanqa maskhanku facil-llata jap’irunankupaq. Chhaynatan Satanaspas supaykunapas wawakunata maskhanku (1 Pedro 5:8). Ichaqa Jehová Diosmi paykunamanta aswan atiyniyoq. Chaymi payta serviq wawakunata cuidan. Ima dañotaña Satanás ruwawasunman chaypas, Diosmi chayta allichapunqa.

Chunka capitulopi yachasqanchis jina, ¿imatan Satanaspas supaykunapas munanku ruwananchista?... Jujwan puñuspa millay ruwaykuna ruwananchistan. ¿Pikunallan kuska puñunkuman? ¿Yuyashanki?... Arí, casado kaqkunallan.

Ichaqa kanmi millay runakuna, paykunan wawakunawan puñuspa millaykunata ruwanku. Chayta rikuspan wakin wawakunapas jujwan kaspa qhari otaq warmi kayninkuwan millaykunata ruwanku. Juj kutinmi Sodoma llaqtapi chay sucederan. Iskay runakunan Lot-ta visitaranku, jinan “waynakunapas machu runakunapas llapallanku” juñukuranku chay iskay runakunawan puñuspa millaykunata ruwanankupaq (Génesis 19:4, 5).

Qanpas cuidanatan necesitanki chhayna millay runakunamanta. Paykunaqa amigoykimanmi tukunkuman. Mana pimanpas willakunaykiraykutaq imatapas regalasunkikuman. Paykunaqa Satanás, supaykuna jinan sonqonkuq munasqallanta ruwayta munanku. Chayraykun wawakunawan puñunku. ¡Chay ruwasqankuqa sinchi millaymi!

 ¿Imakunatan chay runakuna ruwanku aychankuta kusichinankupaq? ¿Yachankichu?... Paykunaqa warmi otaq qhari kayniykitan llamiyta munankuman otaq qhari kayninkuta qanpaman tupachiyta munankuman. Manan pipas qhari otaq warmi kayniykiwanqa pujllananchu, nitaq hermanoykikunapas nitaq tayta-mamaykipas.

¿Ima ninaykin pipas llamiykuyta munasuqtiyki? ¿Imatawan ruwanayki?

¿Imaynatan chay runakunamanta cuidakuwaq?... Manan piwanpas qhari otaq warmi kayniykita tupayachikunaykichu. Sichus pipas llamiykuyta munasunki chayqa fuerteta niy: “¡Ama llamiykuwaychu! ¡Papaymanmi willarusaq!”, nispa. Ichaqa yaqapaschá nisunki: “Ama willakuychu munasqaykita rantirapusayki” otaq “chaytaqa noqallanchismi yachananchis”, nispa. Wakinmi nisunkiman: “Qanmi juchayoq kanki” otaq “willarukunki chayqa wañuchisaykin”, nispa. Imataña nisunki chaypas, kaq raton jujkunaman willanayki.

Chay runakunataqa manan manchakunaykichu ichaqa cuidakunaykin. Sichus papayki nisunki: “Aman chay runawan rimankichu. Aman chay callenta purinkichu”, nispa chayqa, kasukunaykin. Chhaynapin mana imapas pasasunkichu.

Millay ruwaykunamanta cuidakunapaq leesun Génesis 39:7-12; Proverbios 4:14-16; 14:15, 16; 1 Corintios 6:18; 2 Pedro 2:14.