Kichay leenaykipaq

Jehová Diospa testigonkuna

Simita akllay quechua (Cusco)

¿Imaynatan Bibliata qhawarinki?

¿Imaynatan Bibliata qhawarinki?

¿Ima ninkin?

  • ¿Runakunaq yuyaychasqan librochu?

  • ¿Cuentokunamanta willaq librochu?

  • Icha, ¿Diospa Siminchu?

 BIBLIA NIN:

“Diospa Simin Qelqakunaqa llapallanmi Diospa yuyaychasqan”, nispa (2 Timoteo 3:16, Diospa Simin Qelqa).

¿IMAYNAPIN YANAPAWANCHIS CHAY TEXTOQ NISQAN?

Kawsayninchispi importante tapukuykunaq kutichiynintan tarisun (Proverbios 2:1-5)

Imayna kawsanapaqmi yanapawasun (Salmo 119:105)

Hamuq tiempomanta suyakuyniyoqmi kasun (Romanos 15:4)

 ¿CREENANCHISPUNICHU BIBLIAQ NISQANPI?

Arí, ¿imarayku?

  • Allinta tupasqanrayku. Bibliaqa 1.600 watakunapi hinan qelqakurqan, chaytaqa 40 runakuna hinan qelqarqanku. Ichaqa yaqa llapankun mana reqsinakurqankuchu, chaywanpas huk yuyayllatan qelqarqanku.

  • Cheqaqllata willasqanrayku. Librokunata qelqaqkunaqa pakankun llaqtankuq atipachikusqankuta. Bibliata qelqaqkunan ichaqa sut’illanta willarqanku kikinkuq pantasqankuta llaqtankuq mana allin ruwasqankutapas (2 Crónicas 36:15, 16; Salmo 51:1-4).

  • Profeciankuna hunt’akusqanrayku. Bibliaqa 200 wata ñawpaqtaraqmi willarqan Babilonia nación thunisqa kananmanta (Isaías 13:17-22). Ichaqa manan imayna thunikunallanmantachu willarqan aswanpas willallarqantaqmi pichus chay llaqtata atipanantapas (Isaías 45:1-3).

    Bibliapi huk willakuykunapas llapallanmi k’apakta hunt’akurqan. Diospa Qelqan kasqanraykun Bibliaq willasqankunaqa hunt’akun (2 Pedro 1:21).

 TAPUKUY

¿Imaynatan Biblia kawsayniypi yanapawanman?

Chay tapuypa kutichiynintan tarinki: ISAÍAS 48:17, 18; 2 TIMOTEO 3:16, 17 textokunapi.