Kichay leenaykipaq

Jehová Diospa testigonkuna

Simita akllay quechua (Cusco)

¿Imaynan kawsay kanqa qhepa tiempokunaman?

¿Imaynan kawsay kanqa qhepa tiempokunaman?

¿Ima ninkin?

  • ¿Kaqllachu kanqa?

  • ¿Aswan mana allinchu kanqa?

  • Icha, ¿allinyanqachu?

 BIBLIA NIN:

“Diosmi paykunaq ñawinkumanta tukuy weqeta pichanqa, manan wañuypas kanqañachu, manallataqmi llakikuypas, waqaypas, nanaypas kanqañachu, ñawpaqkaqkunaqa manaña kapusqanrayku”, nispa (Apocalipsis 21:3, 4, Diospa Simin Qelqa).

¿IMAYNAPIN YANAPAWANCHIS CHAY TEXTOQ NISQAN?

Llank’asqanchisqa kusikunanchispaqmi kanqa (Isaías 65:21-23)

Manañan kanqañachu onqoykuna ñak’ariykunapas (Isaías 25:8; 33:24)

Wiñaypaqmi kusisqa kawsasunchis familianchiswan amigonchiskunawanpas (Salmo 37:11, 29)

 ¿CREENANCHISPUNICHU BIBLIAQ NISQANPI?

Arí, ¿imarayku?

  • Chay promesanta hunt’ananpaq atiyniyoq Dios kasqanrayku. Jehová Diospa atiyninqa mana tukukuqmi chaymi Bibliapiqa payllata nikun: “Tukuy-atiyniyoq”, nispa (Apocalipsis 15:3). Kay pachata paraisoman tukuchinanpaq prometesqantaqa hunt’anqapunin. Chay promesanmantaqa manapunin iskayasunmanchu, ¿imarayku? Bibliaq nisqan hina, ‘Diospaqqa [...] tukuy imapas atikuqmi’ (Mateo 19:26).

  • Chay promesanta hunt’aytapuni Dios munasqanrayku. Bibliaq nisqan hina Jehová Diosqa anchatapunin munan wañuq runakunata kawsarichimpuyta (Job 14:14, 15).

    Hinaspapas Biblian willan Jesús onqosqakunata qhaliyachisqanmanta. ¿Imaraykun chayta ruwarqan? Chay ruwaytapuni munasqanrayku (Marcos 1:40, 41). Chay ruwasqankunaqa sut’itan rikuchirqan Taytanpuni lliw runakunata yanapay munasqanta (Juan 14:9).

    Chaykunawanmi yachanchis Jehová Diospas Jesuspas hamuq tiempopi kusisqa kawsananchista anchatapuni munasqankuta (Salmo 72:12-14; 145:16; 2 Pedro 3:9).

 TAPUKUY

¿Imaynatan Jehová Dios kay pachata paraisoman tukuchinqa?

Chay tapuypa kutichiynintan tarinki: MATEO 6:9, 10; DANIEL 2:44 textokunapi.