1. CHEQAQ RELIGIONQA JUJLLAN

“K’illku punkunta jaykuq ñañu ñanmi ichaqa kausayman apan, pisillataqmi chaytaqa tarinku” (Mateo 7:14)

Diosqa manan llapa religionkunatachu aceptan, ¿imaynapin yachanchis?

  • Mateo 7:21-23

    Diosqa manan aceptanchu paypa munasqanta mana ruwaq religionkunataqa.

  • Mateo 7:13, 14

    Cheqaq religionqa wiñay kausaymanmi apawanchis. Pantasqa religiontaq wañuyman.

  • Mateo 7:16, 17

    Cheqaq religiontaqa ruwasqankunapin reqsisunman. Manan llapa religionkunataraqchu estudiana, aswanpas Bibliatan estudiana imaynachus cheqaq religión kasqanta yachanapaq.

2. ¿IMAYNATAN DIOSTA ADORANA?

3. DIOSPA MUNASQANTAN RUWANANCHIS

¿Imatan ruwanayki adorasqaykita Dios aceptananpaq?

  • Santiago 2:19

    Diospiqa manan creeyllachu creenayki, kasukunaykin Bibliapi nisqanta.

  • Isaías 52:11; Apocalipsis 17:5

    Jatun Babilonia otaq pantasqa religionkunaqa manan Diospa munasqanman jinachu yachachinku. Ejemplopaq, chay religionkunaqa trinidadmanta, infiernomanta yachachinku, wañuqkunamantapas ninkun: “Almaqa manan wañunchu”, nispa.

  • Apocalipsis 18:4, 8

    Jehová Diosqa pisi tiempollamantan pantasqa religionkunata chinkachipunqa. Chaymi mana pantasqa religionkunaq ima ruwayninkunatapas ruwanaykiñachu.

  • Marcos 10:28-30

    Dios servinaykitaqa jark’asunkikunmanmi, Jehová Diosmi ichaqa mana jayk’aqpas saqesunkichu.