Kichay leenaykipaq

Jehová Diospa testigonkuna

Simita akllay quechua (Cusco)

¿Iman kanan familiayki kusisqa kananpaq?

¿Iman kanan familiayki kusisqa kananpaq?

¿Ima ninkin?

  • ¿Munakuychu?

  • ¿Qolqechu?

  • Icha, ¿hukchu?

 BIBLIA NIN:

“Kusisamiyoqqa Diospa siminta uyarispa hunt’aqkunan”, nispa (Lucas 11:28, Diospa Simin Qelqa).

¿IMAYNAPIN YANAPAWANCHIS CHAY TEXTOQ NISQAN?

Cheqaq munakuytan tarisunchis (Efesios 5:28, 29)

Respetanakuspan kawsasunchis (Efesios 5:33)

Huk hinallan kawsasunchis (Marcos 10:6-9)

 ¿CREENANCHISPUNICHU BIBLIAQ NISQANPI?

Arí, ¿imarayku?

  • Familiata Dios paqarichisqanrayku. Bibliaq nisqanman hina Diosmi paqarichirqan casarakuyta, chaymi kamachikurqan: “Askhata miraychis, kay pachamanpas hunt’aykuychis”, nispa (Génesis 1:28). Chaywanqa nishanmi Jehová Dios familiakunata paqarichisqanta.

    Kaypi yuyaykuy: Sichus huk sumaq mikhunata mikhushanki chayqa, yachaytapaschá munanki imayna wayk’usqa kasqanta. Chhaynaqa, ¿pitan tapukuwaq? Chay mikhuna wayk’uqtan riki.

    Chaynallataqmi familiaykiwan kusisqa kawsanaykipaqqa familiata paqarichiq Jehová Diosta tapukunayki (Génesis 2:18-24).

  • Allinta kawsananchista Dios munasqanrayku. Biblian nin: ‘Diosmi qankunataqa cuidashasunkichis’, nispa. Chayraykun qanpas familiaykipas Diospa yanapayninta maskhanaykichis (1 Pedro 5:6, 7). Payqa allinta kawsananchistan munan, chaymi kamachikuyninkunapas allinninchispaqpuni (Proverbios 3:5, 6; Isaías 48:17, 18).

 TAPUKUY

¿Imaynatan allin qosa, allin esposa otaq allin tayta-mama kayman?

Chay tapuypa kutichiynintan tarinki: EFESIOS 5:1, 2; COLOSENSES 3:18-21 textokunapi.