Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 3 YACHACHIKUY

¿Imaynan Edén huertapi kawsay karqan?

¿Imaynan Edén huertapi kawsay karqan?

Diosqa imaymanatan Adanman Evamanwan qorqan (Génesis 1:28)

Jehová Diosmi Eva sutiyoq warmita kamaspa Adanman qorqan esposan kananpaq (Génesis 2:21, 22).

Diosqa ch’uya yuyayniyoqta ch’uya cuerpoyoqtan Adanta Evatawan kamarqan.

Paykunaqa Edén huertapin tiyarqanku, chaypin karqan frutayoq sach’akuna, animalkuna huk mayu ima. ¡Ancha munaymi karqan!

Jehová Diosmi paykunawan rimaq, imaymanatataq yachachiqpas. Diosta kasukuspaqa wiñaypaqmi chay Paraisopi tiyankuman karqan.

 Diosmi kamachirqan huertapi huk sach’aq rurunta ama mikhunankupaq (Génesis 2:16, 17)

Jehová Diosmi Adan Evata kamachirqan huertapi huk sach’a ruruta ama mikhunankupaq. Chay sach’amanta mikhuspaqa wañunankun karqan.

Huknin angelmi Dios contra hatarirqan. Chay millay angelpa sutinmi Saqra Satanás.

Satanasqa manan munarqanchu Dios kasukunankuta. Chaymi mach’aqwayta rimachispa Evata nirqan sach’api ruruta mikhuspaqa mana wañunanta, Dios hina kanantapas. Chayta nispaqa llullakusharqanmi (Génesis 3:1-5).