Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 11 WILLAKUY

¿Imaraykun hatun huñunakuykunapi huñukuyku?

¿Imaraykun hatun huñunakuykunapi huñukuyku?

México

Alemania

Botsuana

Nicaragua

Italia

¿Rikushankichu kay fotokunapi runakuna kusisqa kasqankuta? Paykunaqa hatun huñunakuyniykuman riqkunan. Ñawpa tiempopi Diosta serviqkunaqa watapin kinsa kutita huñunakuqku. Ñoqaykupas chhayna hatun huñunakuykunapi huñukuspan kusisqa kayku (Deuteronomio 16:16). Watapin kinsa kutita huñukuyku; iskay kutitan kan huk punchay asamblea, huk kutitataq kinsa p’unchay asamblea. ¿Imapin chay huñunakuykuna yanapawanku?

Llapa iñiqmasiykuwan hukllachawanku. Israelitakunaqa anchatan kusikuqku ‘huñunasqa runakuna qayllapi’ Jehová Diosta hatunchaspa. Ñoqaykupas ancha kusisqan kayku chay sumaq huñunakuykunapi iñiqmasiykuwan kuska Diosta yupaychaspa (Salmo 26:12; 111:1). Chay hatun huñunakuykunapin reqsinakuyku huk iñiq t’aqakunamanta otaq huk nacionkunamanta Testigokunawan. Chawpi p’unchaytan huñunakusqayku localpi mikhuyku, chaypi iñiqmasikunawan kaspataq kusisqa kayku (Hechos 2:42). Chaypin rikuyku Hallp’antinpi ‘iñiqmasikuna’ cheqaqtapuni munanakusqaykuta (1 Pedro 2:17).

Allin iñiyniyoq kanaykupaq yanapawanku. Israelitakunaqa huñunakusqankupin Diospa Qelqanmanta ‘uyarisqanku simikunata entiendeqku’, chaytaqmi kawsayninkupi yanaparqan (Nehemías 8:8, 12). Ñoqaykupas ancha allinpaqmi qhawariyku hatun huñunakuykunapi yachasqaykuta. Sapanka huñunakuypaq temaqa Bibliamantan horqosqa kashan. Chaypin sumaq discursokunawan demostracionkunawan ima yachachiwanku Diospa munayninta ruwanaykupaq. Hinaspapas kay sasa tiempokunapi sasachakuykunata atipaq cristianokunan experienciankuta willaspa kallpachawanku. Kinsa p’unchay asambleapin kan drama nisqa, chaypin ñawpa tiempopi hina p’achakuspa Bibliaq willasqanta rikuchinku, chaypi yachasqaykupas allinniykupaqmi. Llapa hatun huñunakuykunapin kallantaq bautismo, chaypin Diosman qokuqkuna bautizakunku.

  • ¿Imaraykun hatun huñunakuykuna ancha kusikunapaq?

  • ¿Imapin yanapasunkiman hatun huñunakuyman riy?