Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 8 WILLAKUY

¿Imaraykun huñunakuyniykuman allin p’achasqa riyku?

¿Imaraykun huñunakuyniykuman allin p’achasqa riyku?

Islandia

México

Guinea-Bissau

Filipinas

Yaqapaschá kay folletoq fotonkunapi repararqanki Jehová Diospa testigonkunaqa huñunakuyniykuman sumaq p’achasqa risqaykuta. ¿Imaraykun kallpachakuyku allin p’achasqa allin allichasqa rinaykupaq?

Diosniykuta respetasqaykurayku. Diosqa manan runakunaq rikch’aynintachu qhawan (1 Samuel 16:7). Ichaqa Diosta iñiqmasikunatawan respetasqaykutan rikuchiyta munayku. Kaywan rikch’anachisun: huk juezman rinanchis kanman chayqa allin p’achasqa limpion risunman, riki. Ñoqaykupas huñunakuyman allin p’achasqa risqaykupin rikuchiyku, ‘kay pachantinpi Juezta’ hinallataq Huñunakunayku Wasita respetowan qhawarisqaykuta (Génesis 18:25).

Bibliaq nisqanman hina kawsasqaykutan rikuchiyku. Biblian cristianokunata nin “iman p’achakunata hinalla allin yuyaywan” p’achakunankuta (1 Timoteo 2:9, 10). “Iman p’achakunata hinalla” p’achakuqqa manan qhawarisqa kananpaqchu nishu t’eqe otaq nishu huch’uy p’achawan churakun. “Allin yuyaywan” p’achakuqqa sumaqtan p’achakun, allinta hap’iq p’achawan. Bibliaq nisqanman hina p’achakunapaqqa kanmi akllarikunapaq p’achakuna. Sumaqta p’achakuyqa ‘qespichiqninchis Diosmanta yachachikuy tukuypi sumaqpuni kasqantan rikuchin’ (Tito 2:10; 1 Pedro 2:12). Hinaspapas huñunakuyniykuman imayna p’achasqa risqaykuta qhawarispan hukkuna yachanqaku Diospa llaqtan imayna kasqanta.

Sumaq p’achasqa limpio kanapaqqa, manan askha qolqewan rantisqa p’achawanraqchu churakuna. Chayrayku ama p’achamantaqa llakikuychu huñunakuyniykuman riyta munaspaqa.

  • ¿Imaraykun huñunakuyman Diosta yupaychaq rispa allin p’achasqa riyku?

  • ¿Bibliapi ima textokunan yanapawanku imayna p’achakunaykupaqpas?