Satanasmi wateqawanchis mana allin kaqta ruwananchispaq. Diospa amigon kayta munaspaqa, cheqnikunanchismi Jehová Diospa cheqnisqankunata (Salmo 97:10). ¿Mayqenkunataq chaykunari?

Qhelli huchakuna. “Aman wasanchankichu.” (Éxodo 20:14.) Manaraq casarakushaspa warmi-qhari puñuypas manan allinchu (1 Corintios 6:18).

Machay. “Machaqkunapas [...] Diospa qhapaqsuyunmanqa manan haykunqakuchu” (1 Corintios 6:10).

Runa wañuchiy, sulluy. “Aman pitapas wañuchinkichu.” (Éxodo 20:13.)

Suwakuy. “Aman suwakunkichu.” (Éxodo 20:15.)

Llullakuy. Jehová Diosqa cheqnikunmi “llullakuqta” (Proverbios 6:17).

 Maqanakuy, k’araq phiñakuy. Jehová Diosqa “maqaylla maqaqkunatapas cheqnikunmi” (Salmo 11:5). ‘Runaq millay munasqan ruwaykunapin’ tarikun “k’arak phiñakuykuna” (Gálatas 5:19, 20).

Qolqepaq pukllay. ‘Mayqenpas [...] payllapaq kananta munaq [...] kanman chayqa, ama chay hina runawanqa huñukuychischu.’ (1 Corintios 5:11.)

Huk llaqtayoq runakuna cheqnikuy. “Munakuychis awqaykichiskunata, [...] mañapuychis [...] qatiykachaqniykichiskunapaqpas.” (Mateo 5:43, 44.)

Diosqa allinninchispaqmi imatapas niwanchis. Mayninpiqa sasan mana allin kaqmanta karunchakuy, ichaqa Jehová Diospa yanapayninwan, Testigonkunaq yanapayninwanpas karunchakuwaqmi Diospa mana munasqan ruwaykunamanta (Isaías 48:17; Salmo 121:1, 2; Hebreos 10:24, 25).