Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 7 WILLAKUY

¿Imataq Diospa Reinonri?

¿Imataq Diospa Reinonri?

1. ¿Imataq Diospa Reinonri?

¿Imaynapin yachanchis Jesús allin rey kasqanta? (MARCOS 1:40-42.)

Hanaq pachapi Diospa takyachisqan gobiernon. Chay gobiernon llapa gobiernokunaq rantinpi kamachikunqa, hinaspa hanaq pachapi hina Diospa munayninta kay Hallp’api hunt’anqa. Hinaspapas, Hallp’atinpi tiyaq runakunatan hukllachanqa. ¡Chayqa allin willakuymi!​—Leey Daniel 2:44; Mateo 6:9, 10; 24:14.

Llapa llaqtapas huk umalliqtan necesitan, chaymi Jehová Diospas Churin Jesusta churarqan Reinonpi Rey kananpaq.​—Leey Apocalipsis 11:15.

Qhaway ¿Iman Diospa gobiernon? nisqa videota

2. ¿Imaraykun Jesús allin rey kanqa?

Diospa Churinqa sumaq sonqon, chanintapunin imatapas ruwan, chaymi payqa allin rey kanqa (Juan 1:14). Atiyniyoqmi runakunata yanapananpaq, chay atiywanmi hanaq pachamanta kay Hallp’atapas kamachikamunqa. Payqa kawsarimpusqan qhepatan hanaq pachaman ripurqan, chaypin Diospa paña ladonpi suyarqan kamachikunanpaq atiyta chaskinankama (Hebreos 10:12, 13). Qhepamantaq Dios chay atiyta qorqan.​—Leey Daniel 7:13, 14.

3. ¿Pikunawanmi Jesús kamachimunqa?

Bibliaq willasqan hina, Jesusqa huk t’aqa runakunawan kuskan kamachikamunqa. Daniel 7:27 textopin chay runakunata sutichakun ‘Diospa llaqtan runakuna [“ch’uya runakuna”, NM]’, nispa. Diosqa Jesuspa apostolninkunatan ñawpaqta akllarqan ch’uya runakuna kanankupaq. Kay tiempopipas akllashallanmi allin iñiyniyoq warmikunata qharikunata  ch’uya runakuna kanankupaq. Chay runakunaqa Jesús hinan wañupusqanku qhepaman espiritual cuerpota chaskispa hanaq pachaman ripunku.​—Leey Juan 14:1-3; 1 Corintios 15:42-44.

¿Hayk’a runakunan hanaq pachaman ripunqaku? Biblian willan pisilla kasqankuta, paykunatan Jesús nirqan “pisi t’aqa oveja”, nispa (Lucas 12:32). Jesuswan kuska kamachikamuqkunaqa 144.000 runakunan kanku.​—Leey Apocalipsis 14:1.

4. ¿Iman sucederqan Jesús kamachinanpaq atiyta chaskiqtin?

Jesusqa 1914 watapin Rey churasqa karqan. * Ñawpaqtaqa Satanastan supayninkunatawan hanaq pachamanta kay Hallp’aman wikch’uyamurqan. Satanasqa sinchi phiñasqa kaspan kay pachapi imaymana sasachakuykunata qallarichirqan (Apocalipsis 12:7-10, 12). Chaymantapachan millay kawsay astawan yapakurqan. Biblian willarqanña guerrakuna, terremotokuna, onqoykuna, yarqay, millay ruwaykunapas kananta. Chaykunaq hunt’akusqanmi rikuchin Diospa Gobiernon kamachikamunanpaq pisillaña tiempo kasqanta.​—Leey Lucas 21:7, 10, 11, 31.

5. ¿Imatan ruwashan Diospa Gobiernon? ¿Imatan qhepaman ruwanqa?

Diosmi “ancha askha runakunata” huñushan Hallp’antinpi predicación aparikusqanwan. Chay allin sonqoyoq runakunan Jesuspa kamachikuyninta kasukushanku. Paykunan qespichisqa kanqaku Diospa Gobiernon kay millay pachata chinkachiqtin. Chay Gobiernoq allinkuna apamusqanta chaskinapaqqa Jesustan kasukunanchis.​—Leey Apocalipsis 7:9, 14, 16, 17.

Jesusqa 1.000 wata kamachikusqanpin qallariypi Diospa munasqanta hunt’anqa. Hallp’an sumaq paraíso kapunqa. Qhepamantaq chay Gobiernota Taytanman kutichipunqa (1 Corintios 15:24-26). ¿Munawaqchu chay Gobiernomanta hukkunaman willariyta?​—Leey Salmo 37:10, 11, 29.

 

^ párr. 6 1914 wataman apaq profeciakunamanta astawan yachanaykipaq, t’aqwiriy ¿Imatapunin Biblia yachachin? nisqa librota, 215-218 paginakunapi.