Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 6 WILLAKUY

¿Ima suyakuymi kan wañupuqkunapaq?

¿Ima suyakuymi kan wañupuqkunapaq?

1. ¿Ima suyakuymi kan wañupuqkunapaq?

Huk kutinmi Jesuspa amigon Lázaro wañupurqan. Lazaroqa Betania ayllupin tiyarqan, Jerusalén llaqtaq qayllanpi. Chay llaqtaman Jesús chayaqtinqa tawa p’unchayñan pasasqa wañupusqanmanta. Chaymi Jesusqa Lazaroq panankunawan kuska p’ampasqanku cheqasta rirqan, paykunamantaq askha runakuna huñukamurqan. ¡Anchatachá Martapas Mariapas kusikurqanku turankuta Jesús kawsarichipuqtin!​—Leey Juan 11:21-24, 38-44.

Wañupuqkunaq kawsarimpunankumanta Bibliaq willasqanqa allin willakuymi. Martapas yachasqañan wañupuqkunata Jehová Dios kay Hallp’api tiyanankupaq kawsarichimpunanta.​—Leey Job 14:14, 15.

2. ¿Imaynapin wañupuqkuna tarikunku?

Diosmi Adanta nirqan: “Ñut’u hallp’an kanki, ñut’u hallp’amantaqmi tukupunki”, nispa (GÉNESIS 3:19).

Runakunaqa ‘ñut’u hallp’amantan’ ruwasqa kashanchis (Génesis 2:7; 3:19). Cuerponchispiqa manan mana wañuq almapas espiritupas kanchu, chaymi wañupuqtinchisqa manaña imanchispas kawsanchu. Aychayoq tulluyoq runan kanchis, chaymi wañupuqtinchisqa chaypi tukukapunchis. Ñosqonninchis wañupuqtinqa lliw yuyaykusqanchismi chinkapun. Chaymi wañupuqkunaqa manaña imatapas sientenkuchu nitaq ñak’arinkuchu. Lazaropas manan imatapas willakurqanchu kawsarimpusqan qhepamanqa.​—Leey Salmo 146:4; Eclesiastés 9:5, 10.

Wakinqa ninkun: “Wañupuqkunataqa Diosmi infiernopi ñak’arichin”, nispa. Chayqa manan cheqaqchu, ñawpaqpi yachasqanchis hina, wañupuqkunaqa manañan imatapas yachankuchu nitaq ñak’arinkuchu. Infiernomanta yachachikuyqa manan  cheqaqchu. Jehová Diosqa manapunin runakunata ninapi ruphachiytaqa yuyaykullarqanpaschu; infiernomanta yachachiqkunaqa Diostan k’amishanku.​—Leey Jeremías 7:31.

Qhaway ¿Imaynapin wañusqakuna tarikunku? nisqa videota

3. ¿Rimasunmanchu wañupuqkunawan?

Wañusqakunaqa manan rimankuchu nitaq uyariwasunmanchu (Salmo 115:17). Ichaqa huk millay angelkunan wañupuqman tukuspa runakunawan rimankuman (2 Pedro 2:4). Chaymi Jehová Diosqa manapuni munanchu wañusqakunawan rimananchista.​—Leey Deuteronomio 18:10, 11.

4. ¿Pikunan kawsarimpunqaku?

Waranqa-waranqanpi runakunan kay Hallp’api tiyanankupaq kawsarimpunqaku. Jehová Diosta mana reqsispa huchapi kawsaq runakunapas kawsarimpunqakun.​—Leey Salmo 37:29; Hechos 24:15.

Kawsarimpuqkunaqa Diosmantan cheqaq kaqta yachanqaku, Jesuspi iñinqaku, kasukusqankutataq rikuchinanku kanqa (Apocalipsis 20:11-13). Chayta ruwaspaqa wiñaypaqmi kusisqa kay Hallp’api kawsanqaku.​—Leey Juan 5:28, 29.

5. Kawsarimpuyta suyakuy, ¿imatan Diosmanta yachachiwanchis?

Jehová Diosmi Churinta kachamurqan ñoqanchisrayku kawsayninta qonanpaq, chaymi kawsarimpuy suyakuypas kan. Chaypin rikuchirqan anchatapuni munakuwasqanchista khuyapayawasqanchistapas. ¿Piqpa kawsarimpunantan qan munawaq?​—Leey Juan 3:16; Romanos 6:23.