Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 1 WILLAKUY

¿Ima allin willakuykunan ñoqanchispaq kashan?

¿Ima allin willakuykunan ñoqanchispaq kashan?

1. ¿Imakunatan Dios willawanchis?

Diosmi munan llapa runakuna kusisqa kawsananta. Payqa runata munakuspan kay Hallp’ata kamarqan, chaypi tukuy imaymana kaqkunatapas. Pisi tiempollamantan chinkachinqa ñak’ariykunaq saphinta, chhaynapin tukuyneqpi tiyaq runakuna sumaqta kawsanqaku. ​—Leey Jeremías 29:11.

Manan mayqen kamachikuqpas chinkachiyta atirqanchu millay ruwaykunata, onqoykunata, wañuytapas. Ichaqa allin willakuykunan kashan: Diosmi pisi tiempollamanta llapa gobiernokunata chinkachinqa, rantinpitaq paypa gobiernonta takyachinqa. Diospa llaqtanqa thakpin kawsanqa manataqmi pipas onqonqañachu.​—Leey Isaías 25:8; 33:24; Daniel 2:44.

2. ¿Imaraykun chay willakuykuna ancha allinpuni?

Diosmi millay runakunata kay Hallp’amanta chinkachinqa manaña ima ñak’ariypas kananpaq (Sofonías 2:3). ¿Hayk’aqmi chayta ruwanqa? Biblian willarqanña imaymana ñak’ariykuna kananmanta. Chaykuna kay tiempopi hunt’akusqanmi rikuchin ñak’ariykunata Dios chinkachipunanpaq pisillaña tiempo kasqanta.​—Leey 2 Timoteo 3:1-5.

3. ¿Imatan ruwananchis?

Imaynan huk munakuq tayta wawankunaman cartata apachin, chay hinatan Dios Bibliata apachimuwarqanchis, chay librotan estudiananchis paymanta yachanapaq. Biblian yachachiwanchis sumaq kawsayta, wiñay kawsayman aypanapaq ima ruwananchistapas. Ichaqa manan llapa runakunachu kusikunqaku Biblia estudiasqaykiwan. Amapuni chaywanqa pisipaychu, qhepa tiempopaq Diospa prometesqanqa ancha sumaqmi.​—Leey Proverbios 29:25; Apocalipsis 14:6, 7.