Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 98 WILLAKUY

Olivos orqopi

Olivos orqopi

KAY runaqa Jesusmi, Olivos orqopin kashan. Paywan kuska kaq tawa runakunaqa Jesuspa apostolninkunan. Andreswan Pedrowanmi wayqentin kanku, Juantaq Santiagowan. Kaypi rikusqayki hatun wasiqa Jerusalenpi Diosta yupaychana wasin.

Ñan iskay p’unchayña pasan asnopi sillaykuspa Jerusalenman Jesuspa haykusqanmanta. Martes p’unchaymi. Chay ñawpaqtan yupaychana wasipi Jesús kasharan. Chaypin sacerdotekuna Jesusta wañuchiyta munaranku. Runakunaq munakusqanta reparaspan ichaqa manchakuranku chay ruwayta.

‘¡Mach’aqwaykuna, mach’aqwaykunaq wawankuna!,’ ninmi Jesusqa umalliq religiosokunata. Nillantaqmi mana allinkuna ruwasqankumanta Diospa muchuchinanta. Chaymantan, Jesusqa Olivos orqoman wicharan, chaypin kay tawantin apostolkuna tapuyta qallarinku. ¿Imakunatan tapunku?

Hamuq tiempokunamantan tapushanku. Yachankun kay Allpapi millay ruwaykunata Jesuspa tukuchinanta. Yachaytan munanku kaykunaq hayk’aq sucedenanta. ¿Hayk’aqmi Jesús kutimunqa Kamachikuq hina kamachinanpaq?

Jesusqa yachanmi kutimuqtin kay Allpapi qatikuqkunaq mana rikunanta. Payqa hanaq pachapin kashanqa, chaymi mana rikuyta atinqakuchu. Chaymi Jesusqa willan hanaq pachapi kamachishaqtin Allpapi imaymanakuna sucedenanta. ¿Imakunan chaykuna?

Jesusqa willaranmi hatun maqanakuykuna kananta, askha runa onqonanta, yarqay kananta, wañuchinakuymanta, pacha chhaphchiykuna kanantapas. Diospa kamachikuyninmanta allin willakuykuna Allpantinpi predicanankutapas. ¿Rikushanchischu kunan kaykunata? ¡Arí! Kunanqa yachanchismi Jesús hanaq pachapi kamachisqanta. Ñan tukuchinqaña Allpapi imaymana millaykunata.