Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

SOQTA KAQ T’AQA

Jesuspa nacesqanmanta wañunankama

Jesuspa nacesqanmanta wañunankama

Diosmi ángel Gabrielta kachamuran María sutiyoq allin sipaswan rimananpaq. Chay angelmi Mariaman willaran qhari wawa wachakunanta, paymi wiñaspa wiñaypaq kamachiq kanqa, nispa. Jesusqa uywakunaq kanchanpin naceran, chaymanmi michiqkuna visitaranku. Inti lloqsimuy cheqasmanta hamuq runakunata huk ch’aska Jesusman pusaran. Yachasunmi pin chay ch’askata rikuchiran, wañuchiy munasqankumanta Jesusta imayna qespichisqankutapas.

Chunka iskayniyoq watanpin Jesusqa yachachiqkunawan yupaychana wasipi rimaran. Chaymantan Jesusqa chunka pusaqniyoq wata qhepata bautizakuspa, qallariran Diospa kamachikuyninmanta predicayta yachachiytapas, chaypaqmi Diosqa kay Allpaman kachamusqa. Kay llank’aypi yanapanankupaqmi Jesusqa akllaran 12 runakunata, apostolninkuna kanankupaq.

Jesusqa ruwallarantaqmi askha milagrokunata. Waranqanpi runakunamanmi mikhuchiran iskay kinsa t’antallawan pisi challwallawan. Onqosqakunatan hanpiran, wañusqakunatapas kawsarichiranmi. Yachasunmi imakunan sucederan wañupunan p’unchay, imayna wañuchisqankutapas. Kinsa wata kuskanmi Jesusqa predicaran, chaymi kay SOQTA Kaq T’aqa willan 34 watapi imaymana sucedesqanta.

 

KAY T'AQAPIN KAYKUNA KASHAN

84 WILLAKUY

Ángel Mariata visitan

Huk willakuyta Jehová Diosmanta apamun: Marian wawayoq kapunqa, paymi wiñaypaq rey kanqa.

85 WILLAKUY

Jesús uywakunaq kanchanpi nacen

¿Imaraykun Jesús rey kanan kashaqtin uywakunaq kanchanpi naceran?

86 WILLAKUY

Ch’askata qatikunku

¿Pin ch’aska qhawaqkunata Jesusman aparan? Yaqapaschá admirakunki cheqaqta yachaspa.

87 WILLAKUY

Jesús waynachallaraq yupaychana wasipi

Jesusta uyarispan, templopi yachachiqkunapas admirasqan qhepakunku.

88 WILLAKUY

Juan Jesusta bautizan

Juanqa huchasapakunatan bautizarqan, ichaqa Jesusqa manan hayk’aqpas huchallikurqanchu, ¿imaraykun payta bautizarqan?

89 WILLAKUY

Jesús yupaychana wasita ch’uyanchan

¿Imaraykun Jesús templopi vendeqkunawan phiñakun?

90 WILLAKUY

P’uytuq qayllanpi warmiwan riman

Jesusmi samaritana warmiman huk unuta munachirqan, chayta ukyaspaqa manas hayk’aqpas ch’akichikunmanchu, ¿imaynataq chayri kanman?

91 WILLAKUY

Jesús orqo patapi yachachin

¿Imakunamantan Jesús yachachirqan orqo patapi?

92 WILLAKUY

Wañusqakunata Jesús kawsarichin

Diospa atiyninwan Jesusqa iskay simikunallata rimaspa Jairoq ususinta kawsarichirqan.

93 WILLAKUY

Jesús askhaman mikhuchin

¿Imatan Jesús rikuchirqan waranqanpi runakunata mikhuchispa?

94 WILLAKUY

Wawakunata munakun

Jesusmi apostolkunata yachachirqan wawakuna imayna kasqankumanta yachanankupaq.

95 WILLAKUY

Imaynata Jesús yachachin

Jesusqa rikch’anachiykunawanmi astawanqa yachachirqan, chaymi samaritano runamantapas willarqan.

96 WILLAKUY

Jesús hanpin onqosqakunata

¿Iman pasarqan Jesús askha milagrokunata ruwasqanrayku?

97 WILLAKUY

Kamachikuq hina Jesús haykun

Askha runakunan Jesusta suyanku kusisqa, ichaqa hukkunaqa manan kusisqachu kashanku.

98 WILLAKUY

Olivos orqopi

Jesusmi tawa apostolninkunata willaran kay tiemponchispi imakunachus pasananta.

99 WLLAKUY

Altos cuartopi

¿Imaraykun Jesús qatikuqninkunata nin chay cenata sapa wata yuyarinankupaq?

100 WILLAKUY

Jesús huertapi

¿Imaraykun Judas traicionarqan Jesusta much’aykuspa?

101 WILLAKUY

Jesusta wañuchinku

K’aspipi wañunanpaqña kashaqtin, Jesús paraisomanta huk promesata ruwan.