Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

 4 WILLAKUY

Sinchita phiñakuspa hermanonta wañurachiran

Sinchita phiñakuspa hermanonta wañurachiran

Edén huertamanta lloqsimpusqanku qhepamanmi Adanwan Evawan wawakunayoq kapuranku. Ñaupaq kaq wawanpa sutinmi karan Caín. Payqa chajrapin llank’aran. Iskay kaq wawanpa sutintaq karan Abel, payqa uywa michiqmi karan.

Juj p’unchaymi Cainwan Abelwan Jehová Diosman juj ofrendata jaywaranku. ¿Imataq juj ofrendari? Chayqa Diosman juj regalo qoymi. Jehová Diosqa kusikuranmi Abelpa ofrendanwan, Cainpa ofrendanwanmi ichaqa mana. Chay jawan Cainqa sinchita phiñakuran. Jehová Diosqa niranmi Cainta: “Sichus phiñasqalla kashanki chayqa, mana allin kaqtan ruwanki”, nispa. Paymi ichaqa mana kasukuranchu.

 Aswanmi Abelta niran: “Jaku campota”, nispa. Campopi iskayllanku kashaqtinkutaq Cainqa hermanonta wañuchiran. ¿Imatan Jehová Dios ruwaran? Caintan castigaran, niranmi: “Familiaykimanta t’aqakuspan karuta ripunki, manañan jayk’aqpas kutimunkichu”, nispa.

¿Imatan chaymanta yachanchis? Sichus imapas mana munasqanchisman jinachu kashan chayqa, yaqapaschá phiñakusunman. Ichaqa astawan phiñakushallasun chayqa, mana allin kaqtan ruwasunman. Chay mana pasawananchispaqqa yachananchismi controlakuyta.

Abelqa anchatan Jehová Diosta munakuran, chaymi allinta portakuran. Chayraykun Diosqa manapuni paytaqa qonqanqachu. Kay allpanchis paraíso kapuqtinmi Diosqa kausarichimpunqa.

“Wayqeykiwanraq allipunamuy, chaymanta kutimuspaña ofrendaykitaqa jaywanki” (Mateo 5: 24)