Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

2 t’aqata qallarinapaq

2 t’aqata qallarinapaq

¿Imaraykun ñaupa tiempopi runakunata jatun parawan Dios wañuchiran? Ñaupa tiempomantapachan wakin runakunaqa allin kaqta ruwaranku wakintaq millaykunata ruwaranku. Adanpas, Evapas, Cainpas, jujkunapas mana allinkunatan ruwaranku. Wakinmi ichaqa allin kaqta ruwaranku Abel jina Noé jina. Yaqa llapa runakunan millaykunata ruwaranku, chaymi Jehová Diosqa chay runakunata wañuchipuran. Jehová Diosqa reparashanmi allin kaqta mana allin kaqta ruwasqanchista. Jinaspapas manan permitinqachu mana allin ruwaykuna kashanallanta, chaykunamantan kay t’aqapi yachasunchis.

KAY T'AQAPIN KAYKUNA KASHAN

3 WILLAKUY

Diostan mana kasukurankuchu

¿Imaynapin jujniray karan allin kaqta mana allin kaqta reqsichiq sach’a juj sach’akunamanta? ¿Imaraykun Eva mana chay sach’a ruruta mijunanchu karan?

4 WILLAKUY

Sinchita phiñakuspa hermanonta wañurachiran

Abelpa ofrendantan Diosqa chaskiran, Cainpatan ichaqa mana. Chayta yachaspan Cainqa sinchita phiñakuran mana allintataq ruwaran.

5 WILLAKUY

Noé arcata ruwan

Angelkunan urayamuspa warmikunawan casarakuranku, jinaspa wawankunaqa maqakuq jatunkaray runakuna karanku. Tukuy ladopin maqanakuykuna wañuchinakuykuna karan. Noé ichaqa Diosta munakuran kasukuran ima.

6 WILLAKUY

Pusaq runakuna salvakuranku

40 p’unchayta 40 tutatawanmi pararan. Noepas familianpas wata masmi arcapi karanku. Chay qhepamanmi arcamanta lloqsinankupaq.