Kichay leenaykipaq

Índice nisqaman riy

Jehová Diospa testigonkuna

Simita akllay quechua (Cusco)

Hebreos 3:1-19

KAYKUNAN KASHAN

  • Jesusqa Moisesmanta aswan jatunchasqan (1-6)

    • Tukuy imapas Diospa ruwasqanmi (4)

  • Mana iñiqman tukupuymantan cuidakuna (7-19)

    • “Kunanchus kunkayta uyarinkichis chayqa” (7, 15)

3  Chhaynaqa, ch’uya wayqe-panaykuna, janaq pachapaq wajasqamasiykuna, pimantachus rimanchis chay apostolpi chay uma sacerdotepi allinta piensaychis, payqa Jesusmi.  Payqa junt’aqmi karan ajllaqnin Diospaq, imaynan Moisespas Diospa lliu wasinpi junt’aq karan chhayna.  Ichaqa, imaynan wasi ruwaqqa ruwasqan wasimanta aswan jatunchasqa, chhaynan paypas Moisesmanta aswan jatunchasqa.  Lliu wasipas runaq ruwasqanmi, tukuy iman ichaqa Diospa ruwasqan.  Moisesqa junt’aq kamachin karan Diospa lliu wasinpi, chay ruwasqanmi rikuchiran imakunatachus qhepaman willakunan karan chayta.  Criston ichaqa Diospa wasinmanta encargakuq junt’aq Churi karan. Chayrayku, mana manchakuspachus rimashallasun, tukukuykamataqchus suyakuyninchismanpas kusisqalla jap’ipakusun chayqa, noqanchismi paypa wasin kasunchis.  Chayraykun santo espíritu nin: “Kunanchus kunkayta uyarinkichis chayqa,  ama sonqoykichista k’ulluyachiychischu imaynan juj kutipi ñaupa taytaykichiskuna sonqonkuta k’ulluyachispa sinchita colerachiwaranku jinataqa, imaynan ch’inneqpi prueba karan jinatapas.  Chaypin paykunaqa, tawa chunka wataña imaymana ruwasqaykunata rikuranku chaypas, pruebaman churawaranku. 10  Chaymi noqaqa chay tiempo runakunata millakapurani, jinaspa nirani: ‘Paykunaq sonqonqa mana kasukuq k’ullun, manan ñanniykunatapas reqsinkuchu’, nispay. 11  Chaymi renegaypi jurarani: ‘Paykunaqa manan samanay p’unchayman jaykunqakuchu’, nispay”, nispa. 12  Wayqe-panaykuna, allinta cuidakuychis, paqtataq kausaq Diosmanta karunchakuwaqchis, chhaynapitaq sonqoykichis millayman, mana iñiqman tukupunman. 13  Chayrayku, “kunan” nisqa manaraq tukukushaqtin qankunapura sapa p’unchay kallpachanakushaychis, chhaynapi jucha ama sonqoykichista engañaspa k’ulluyachinanpaq. 14  Cristoq chaskisqanta chaskinanchispaqqa tukukuykaman tukuy sonqowan confiananchis, imaynan qallariypipas confiaranchis jinata. 15  Diospa simin qelqapipas ninmi: “Kunanchus kunkayta uyarinkichis chayqa, ama sonqoykichista k’ulluyachiychischu imaynan juj kutipi ñaupa taytaykichiskuna sonqonkuta k’ulluyachispa sinchita colerachiwaranku jinataqa”, nispa. 16  Chhaynaqa, ¿pikunataq Diospa kunkanta uyarishaspa payta sinchita colerachiranku? ¿Manachu chaykuna karanku Egipto llaqtamanta Moisespa pusasqan llapa lloqsimuqkuna? 17  Chaymantapas, ¿pikunamantataq Diosqa tawa chunka watantin millasqa kasharan? ¿Manachu ch’inneqpi wañumuq juchasapa runakunamanta? 18  Chaymantapas, ¿pikunamantaq juraran samanan p’unchayman mana jaykunankupaq? ¿Manachu juraran chay mana kasukuqkunaman? 19  Chhaynaqa, mana iñiq kasqankuraykun paykunaqa Diospa samanan p’unchayman mana jaykurankuchu.

Uraypi willakuykuna