Apocalipsis 15:1-8

  • Qanchis plagakunayoq qanchis angelkunamanta (1-8)

    • Moisespa takin, corderoq takinpiwan (3, 4)

15  Chaymantataq janaq pachapi rikullanitaq admiranapaq jina juj jatun señalta, chaypin kashasqa qanchis angelkuna, sapankapas juj plaga jap’iykusqakama. Chaykunawanmi tukupun plagakunaqa, chaykuna tukuqtinmi Diospa phiñakuyninpas tukupunqa.  Chaymantan rikullanitaq imatachá kanpas vidrio jina qochaman rijch’akuqta, ninawan chaqrusqata; chay qocha patapin sayashasqaku manchay phiña animalta, rijch’ayninta, sutinpa numerontawan venceqkuna, paykunan jap’ishasqaku Diospa arpankunata.  Paykunan Diospa kamachin Moisespa takinta, corderoq takintawan takishasqaku: “Tukuy atiyniyoq Jehová Dios, ancha jatunmi admiranapaq jinataqmi tukuy ima ruwasqaykipas. Wiñay-wiñay rey, cheqaqmi chaninmi ñanniykikunapas.  Jehová Dios, ¿pitaq qanta mana manchakunmanchu, pitaq mana sutiykitapas jatunchanmanchu? Qanllan kanki junt’aq Diosqa. Llapa nacionkunan qanman jamuspa ñaupaykipi adorasunkiku, chanin juicio ruwasqaykikuna sut’i rikusqa kasqanrayku”, nispa.  Chaykuna qhepatataq janaq pachapi rikuruni adorana karpata,* chaypin Diospa imachus willasqan kashan, chay karpan kichasqa karan.  Chaymantan lloqsimuran qanchis angelkuna qanchis plagakuna apaykusqa, chay angelkunaqa kasqa k’anchashaq limpio linowan p’achasqan, qhasqonkutaq kasqa qori chumpiwan chumpisqa.  Chay tawa kausashaqkunamanta jujnintaq chay qanchis angelkunaman qoran qanchis qori pocillokunata wiñay-wiñaypaq kausaq Diospa phiñakuyninwan junt’ata.  Chay adorana karpamantaq q’osñi junt’aykuran, chay q’osñiqa karan Diospa lliflli kayninrayku atiyninrayku iman; manan pipas chay karpamanqa jaykuranchu chay qanchis angelkunaq apamusqan qanchis plagakuna tukukunankama.

Uraypi willakuykuna

Chaypiqa ch’uyay-ch’uya partemantan rimashan.