2 Timoteo 4:1-22

  • ‘Imachus ruwanaykita allintapuni junt’ay’ (1-5)

    • Tukuy sonqowan willashallaypuni (2)

  • “Allin maqanakuypi maqanakuytapas ñan tukuniña” (6-8)

  • Pabloq rimasqan (9-18)

  • Napaykuykuna (19-22)

4  Cristo Jesusmi rijurimuspa gobiernonpi chayamuspa ima kausaqkunata wañusqakunatawan juzganqa. Paypa ñaupanpi Diospa ñaupanpi iman kamachiyki  cheqaq kaqmanta willashanallaykipaq, arí, allin tiempoña, sasa tiempoña kaqtinpas tukuy sonqowan willashallaypuni chaytaqa; tukuy pacienciawan allinta yachachispa jujkunata anyay, phiñarikuy, yuyaychay ima.  Tiempon chayamunqa, chaypin runakunaqa allin yachachikuyta manaña uyariyta munanqakuchu, aswanmi munayninkuman jina ninrinkuq uyariy munasqallanta yachachiq runakunata juñukunqaku.  Cheqaq yachachikuyta saqerparispankun yanqa cuentokunaman ninrinkuta churanqaku.  Chayrayku qanqa allin yuyaywanpuni purishay; aguantallaypuni ima ñak’ariytapas, willashallay allin willakuykunatapas, imachus ruwanaykitapas allintapuni junt’ay.  Vino ofrenda jinan noqaqa jich’asqaña kashani, kacharichisqa kanay tiempopas ñan kaypiña kashan.  Allin maqanakuypi maqanakuytapas ñan tukuniña, phawamusqay carreratapas tukunaykamañan phawamuni, iñiyman jinataqmi kausashanipas.  Kunanqa chaninta juzgaq Señormi juj coronata qowanqa, chay coronaqa chanin kaqkunapaqmi, chaytan juicio p’unchaypi qowanqa regalota jina; ichaqa manan noqallamanchu qowanqa, aswanpas pikunachus paypa rijurimunanta munanku chaykunamanwanmi qonqa.  ¿Manachu usqhaylla jamuruwankiman? 10  Demasqa kay tiempo kausayta munakusqanraykun saqerpariwan jinaspa Tesalónica llaqtata pasakapun; Crescentepas Galacia ladotan pasan, Titotaq Dalmacia llaqtata. 11  Lucasllan noqawan kashan. Marcosta pusarikamuy, payqa kusatan yanapawanqa kay llank’anapi. 12  Tiquicotaqa Éfeso llaqtamanmi kacharparini. 13  Jamuspaykiqa Troas llaqtapi Carpoq wasinpi saqemusqay capata aparikampuwanki, qelqa k’uyukunatawan aparikamuwanki, astawanqa qarapi qelqasqa kaqkunata. 14  Cobre takaq Alejandron imaymana mana allinkunata ruwaykuwan. Jehová Diosñachá paymanqa pagapunqa imachus ruwasqanman jina. 15  Qanpas cuidakunkin paymantaqa, payqa sinchitapunin imachus rimasqayku contra churakun. 16  Ñaupaq juiciopi defiendekushaqtiyqa manan pipas yanapawaqniy karanchu, llapankun saqerpariwaranku, chaywanpas Diosmantan mañakuni paykunata ama juchachananpaq. 17  Señormi ichaqa noqawan kasharan, paymi kallpata qowan allin willakuykunata allinta willanaypaq, chhaynapi llapa nación runakuna yachanankupaq; chaymantapas leonpa siminmantan librasqa karani. 18  Señorqa librawanqapunin tukuy ima mana allinmantapas, salvawanqapunin janaq pacha gobiernonpaqpas. Wiñay-wiñaypaq payqa jatunchasqa kachun. Amén. 19  Napaykapuway Priscata, Aquilata, Onesiforoq wasinpi kaqkunatawan. 20  Erastoqa Corinto llaqtapin qhepakamun, Trofimotan ichaqa Mileto llaqtapi onqosqata saqeykamuni. 21  Tukuy atisqaykita ruway manaraq chiri tiempo kashaqtin chayamunaykipaq. Eubulon napaykuyta apachimushasunki, napaykamullasunkitaqmi Pudentepas, Linopas, Claudiapas, jinallataq llapa wayqe-panakunapas. 22  Señorninchis imayna yuyayniyoqchus kasqaykichiswan kachun. Paypa ancha sumaq sonqo kayninpas qankunawan kachun.

Uraypi willakuykuna