Kichay leenaykipaq

Jehová Diospa testigonkuna

Simita akllay quechua (Cusco)

¿Juj sectachu kanku Testigokuna?

Manan, Testigokunaqa manan sectachu kayku. Aswanmi noqaykuqa tukuy atisqaykuta kallpachakuyku Jesuspa ejemplonta qatikunaykupaq imachus yachachisqanman jina kausanaykupaqwan.

¿Imatataq “secta” nispari ninku?

Runakunaqa imaymanatan piensanku chaymanta. Kunan yachasunchis wakin runakunaq iskay formapi piensasqanmanta, jinallataq imaraykus Jehová Diospa testigonkunaqa mana sectachu kanku chaymantawan.

  • Wakin runaq piensasqanman jinaqa, juj sectaqa juj jatun religionmanta t’aqakuspa mosoq religionta jatarichiysi. Testigokunan ichaqa mana ima mosoq religiontachu jatarichirayku, aswanmi noqaykuqa ñaupa cristianokunaq ejemplonta qatikushayku, Bibliapi imachus yachachisqankuman jinataq imatapas ruwashayku (2 Timoteo 3:16, 17). Entiendesqaykuman jinaqa, Bibliapi imachus nisqanman jinallan Diostaqa adorana.

  • Juj runakunaq piensasqanman jinaqa, juj sectaqa juj umalliqta qatikuspa mana allinkunata ruwaysi. Noqayku testigokunaqa manan pi warmitachu ni qharitachu qatikuyku. Aswanmi noqaykuqa Jesuspa kamachisqanman jina imatapas ruwayku, paymi niran: “Jujllan umalliykichisqa, payqa Criston” nispa (Mateo 23:10).

Imapas yachasqaykuqa noqaykuq allinniykupaq familiaykuq allinninpaq iman. Chaymantapas askha runakunatañan yanapashayku machayta mana allin kausayta ima saqepunankupaq. Lliu kay pachapi askha runakunatañataqmi yanapashayku leeyta qelqaytawan yachanankupaq. Chaymantapas may partepiña terremoto, nishu para, imaña kan chaypas yanapaykun chaypi kaq runakunata. Tukuy atisqaykutan ruwayku Jesuspa nisqan jina runamasiykupaq allin kaqkunata ruwapunaykupaq (Mateo 5:13-16).