Kichay leenaykipaq

Jehová Diospa testigonkuna

Simita akllay quechua (Cusco)

¿Pin Jehová Diospa testigonkuna nisqa religionta qallarichiran?

Kay tiempopi Jehová Diospa testigonkunaqa 1800 watakuna tukuypin qallariran. Estados Unidos nacionpi Pensilvania llaqtapin juj pisi t’aqa runakuna juñukuyta qallariranku Bibliata estudianankupaq. Sutinmi karan: “Biblia Estudiaqkuna”, nisqa. Chaypin paykunaqa religionkunaq yachachisqanta Bibliaq yachachisqanwan tupachiqku. Bibliamanta yachasqankutan librokunapi, revistakunapi qelqaspa runakunaman apaqku. Chay tiempopin Qhawaq. Jehová Diospa gobiernonmantan willashan nisqa revistatapas ruwaranku.

Chay Biblia estudiaqkunawan kuskan Charles Taze Russell juñukuran. Paymi Qhawaq revistata ruwayta qallariran, paytaqmi iñiqkunata yanaparan Bibliamanta yachachikuyta mast’arinankupaq. Chaywanpas manan paychu religionniykutaqa qallarichiran. Rusellpas wakin compañeronkunapas Jesucristoq yachachisqantan jujkunaman yachachiranku, ñaupa tiempopi cristianokunaq ruwasqanta jinataqmi imatapas ruwaranku. Chay tiempopi cristiana religiontaqa Jesusmi qallarichiran, chaymi payllata umalliykuta jina qhawariyku (Colosenses 1:18-20).